પંજાબમાં ચૂંટણી પહેલા વિસ્ફોટકો મળતા દોડધામ, અનેક તર્ક વિતર્ક શરુ

પંજાબમાં આવતી કાલે 20 ફેબ્રુઆરીના મતદાન યોજવા જઇ રહ્યું છે ત્યારે મતદાન પૂર્વે સમાણા-પટિયાલા રોડ નજીક બાઇક પર લટકેલી બેગમાં વિસ્ફોટક સામગ્રી મળી આવતા ગભરાટ ફેલાયો હ્તો જેને પગલે પોલીસે વિસ્તારને સીલ કરી કાર્યવાહી  હાથ ધરી હતી . બોમ્બ ડિસ્પોઝલ સ્ક્વોડની ટીમે આ વિસ્ફોટકોનો નાશ કર્યો હતો અને રસ્તો ફરી શરુ કરી દેવામાં આવ્યો. જે બાદ રસ્તાઓ ખોલી દેવામાં આવ્યા હતા. બીજી તરફ આ બાઈકે કોણે મૂક્યું અને કોનું છે તે અંગે તાપસ પોલીસે શરુ કરી છે. 

20 ફેબ્રુઆરીના વિધાસભાની ચૂંટણીનું મતદાન 

દેશમાં 5 રાજ્યોમાં વિધાનસભાની ચૂંટણી યોજવા જઈ રહી છે ત્યારે પંજાબમાં 20 ફેબ્રુઆરીના પંજાબ વિધાનસભાની 117 બેઠકો પાર સામાન્ય ચૂંટણી યોજવાની છે આવા સંજોગોમાં મતદાન પહેલા જ રાજ્યમાં વિસ્ફોટકો મળી આવતા હડકંપ મચી ગયો છે. 

વિસ્ફોટક સામગ્રી મળ્યા બાદ પોલીસે શહેરના તમામ એન્ટ્રી પોઈન્ટ પર નાકાબંધી કરીને વિસ્તારમાં સતર્કતા વધારીને સઘન ચેકીંગ હાથ ધર્યું હતું . આ સાથે પોલીસને નાકાબંધી વધારવા અને વિવિધ જગ્યાઓ પર ચેકિંગ કરવાના આદેશ આપવામાં આવ્યા છે. પોલીસ આ મામલાની તપાસમાં લાગી ગઈ છે.

નજીકના લોકોએ જણાવ્યું કે, આ બાઈક બે દિવસથી અહીં પડી છે. શુક્રવારે જ્યારે લોકોએ તેના પર લટકતી બેગમાંથી અવાજ સાંભળ્યો તો તેમનું ધ્યાન તેના તરફ ગયું. પોલીસને આ કેસમાં સ્થાનિક વ્યક્તિની સંડોવણી હોવાની શંકા છે. જેના કારણે પોલીસ દરેક એંગલથી આ ઘટનાની ઝીણવટ ભરી તાપસ કરી રહી છે.