અમે ભ્રષ્ટાચારી સામે કામ કરીએ તો આખું ટોળું બૂમાબૂમ કરે છે : PM MODI

આ કાર્યક્રમમાં પ્રદેશ અધ્યક્ષશ્રી સી.આર.પાટીલે સંબોધન કરતા જણાવ્યું કે, આજના આ કાર્યક્રમમાં  જામકંડોરણામાં  જનમેદનીને જોઇ વિરોધીઓના છાતીના પાટીયા બેસી જાય એટલુ સમર્થન મળી રહ્યુ છે. હજુ તો પ્રચારના  શ્રી ગણેશ કર્યા નથી આ જનમેદનીની સંખ્યા ભાજપનું સમર્થન બતાવી રહી છે. ગુજરાતમાં ડબલ એન્જિનની સરકાર દ્વારા વિકાસના કાર્યો સાથે રાજયને સુરક્ષીત રાખવાના સફળ પ્રયાસ કર્યા છે. લોકો કહે છે કે મોદી હે તો મુમકીન હે ... સાથે કહે છે કે ભાજપ છે તો ભરોસો પણ છે. આજે કોંગ્રેસે ત્રણ દાયકા પછી જાહેર સ્થળોએ બેનરો લગાવ્યા છે કે કોંગ્રેસનું કામ બોલે છે. પણ કોંગ્રેસ ભુલી ગઇ છે કે કોંગ્રેસનું કામ નહી કારનામું બોલે છે અને તમારા કારનામાં ગુજરાતની જનતા ભૂલી નથી. આજે કોંગ્રેસ લુપ્ત થતી જાય છે તો બીજી તરફ ભાજપ સતત લોકોને વિશ્વાસ મેળવી રહી છે. કોરોના જેવી વૈશ્વીક મહામારીમાં દેશના વડાપ્રઘાનશ્રી નરેન્દ્રભાઇ મોદીએ આપણા દેશના વૈજ્ઞાનિકો પર ભરોસો કર્યો, પ્રોત્સાહીત કર્યા અને દેશને એક નહી બે રસી ફ્રીમાં આપી. કોરોના મહામારીમાં કોઇ ભૂખ મરાથી મૃત્યુ ન પામે તે માટે ફ્રીમાં રાશન આપ્યુ. 

આ કાર્યક્રમમાં રાજયના મ્રુદુ અને મક્કમ મુખ્યમંત્રીશ્રી ભુપેન્દ્રભાઇ પટેલે સંબોધન કરતા જણાવ્યું કે, આજની આ જાહેરસભામાં વિરાટ જનમેદની સંખ્યા દર્શાવે છે કે ભાજપ સરકાર અને તેમના દ્રષ્ટીવંદ નેતા શ્રી નરેન્દ્રભાઇ મોદી પર સૌરાષ્ટ્રની જનતાને અપાર પ્રેમ,સમર્થન અને વિશ્વાસ છે. વડાપ્રઘાનશ્રી નરેન્દ્રભાઇ મોદીની રાજકીય યાત્રામાં રાજકોટ અને સૌરાષ્ટ્રની મહત્વની ભૂમિકા રહી છે. પહેલા સૌરાષ્ટ્ર પાણી માટે વલખા મારતુ પરંતુ વડાપ્રઘાનશ્રી નરેન્દ્રભાઇ મોદી  જયારે ગુજરાતના મુખ્યમંત્રી બન્યા ત્યાર પછી આ સ્થિતિ બદલી નાખી. સૌરાષ્ટ્ર અને કચ્છમાં માં નર્મદાના નિર પહોંચાડવામાં વડાપ્રઘાનશ્રી નરેન્દ્રભાઇ મોદીએ અથાગ પરિશ્રમ કર્યો. બે દાયકા પહેલા ગુજરાતમાં અનેક જગ્યાએ રાત્રે જમવા સમયે વિજળી નોહતી મળતી તે સૌરાષ્ટ્રના ગામોને વડાપ્રઘાનશ્રી નરેન્દ્રભાઇ મોદીએ જ્યોતિ ગ્રામ યોજનાથી જળહળતા કર્યા. ભાજપ સરકારના અનેક પ્રયાસના કારણે સૌરાષ્ટ્ર આજે ગુજરાતના બાકી વિસ્તારોથી ખભેથી ખભો મિલાવી આગળ વધી રહ્યો છે. રાજકોટમાં આજે 12 થી વધુ એન્જિયરિંગ કોલેજો અને યુનિવર્સિટીને આપી એજ્યુકેશન હબ બનાવ્યું છે. વડાપ્રઘાનશ્રી નરેન્દ્રભાઇ મોદીએ રાજકોટને ગુજરાતની પ્રથમ એઇમ્સ હોસ્પિટલની ભેટ આપી છે. જામનગરમાં દુનિયાનું પ્રથમ ગ્લોબલ ટ્રેડિશનલ મેડિસીન સેન્ટરની સ્થાપના કરાવી. રાજકોટને વિકાસના અનેક પ્રોજકેટ ડબલ એન્જિનની સરકારમાં મળ્યા છે. 

આ કાર્યક્રમમાં રાજયના પુર્વ મુખ્યમંત્રીશ્રી વિજયભાઇ રૂપાણી, રાજયનામંત્રીશ્રીઓ, સાંસદસભ્યશ્રોઓ, ધારાસભ્યશ્રીઓ, સંગઠનના પદાધિકારીશ્રીઓ ઉપસ્થિત રહ્યા હતા.