ગુજરાતના આ ત્રણ જિલ્લાઓમાં પુરુષ મતદારો કરતા પણ વધારે મહિલા મતદારો

દેશના કુલ મતદારોમાં પુરુષ મતદારો  વધારે હોય છે. અને સ્ત્રી મતદારોની સંખ્યા પુરુષ મતદારો કરતા ઓછી હોય છે. ..આ જ ગણિત રાજ્ય, જિલ્લાઓ અને શહેરોમાં પણ મહદ અંશે લાગુ પડે છે.. સામાન્ય રીતે પુરુષ મતદારોની સંખ્યા , સ્ત્રી મતદારો કરતા વધું હોય તે સામાન્ય બાબત છે.. પરંતુ ગુજરાતમાં ત્રણ જિલ્લાઓ એવા છે જ્યાં પુરુષ કરતા સ્ત્રી મતદારોની સંખ્યા વધું છે.આ જિલ્લાઓમાં દાહોદ, નવસારી અને તાપી જિલ્લાનો સમાવેશ થાય છે. 

 

દાહોદ જિલ્લામાં પુરૂષ મતદારોની સાંખ્યા 7,85,746 જ્યારે મહિલા મતદારોની સંખ્યા 7,99,241 છે. નવસારીમાાં પુરૂષ મતદારોની સાંખ્યા 5,39,018 જ્યારે મહિલા મતદારોની સંખ્યા 5,39,500 છે. તાપી જિલ્લામાં પુરૂષ મતદારોની સાંખ્યા 2,46,435 છે, જ્યારે મહિલા મતદારોની સાંખ્યા 2,59,256 છે. આમ, રાજ્યમાાં માત્ર ત્રણ જિલ્લાઓ દાહોદ, નવસારી અને તાપીમાં પુરૂષ મતદારો કરતા મહિલા મતદારો વધારે છે. ગુજરાતમાાં કુલ 1391 પૈકી સૌથી વધુ 226 થર્ડ જેન્ડર વડોદરા જિલ્લામાં નોંધાયા છે.

ગુજરાત વિધાનસભાની ચૂંટણીમાાં કુલ 4,91,35,400 મતદારો છે.. જે  પૈકી 2,37,74,146 મહિલા મતદારો છે, જ્યારે 2,53,59,863 પુરૂષ મતદારો છે.. આ ઉપરાંત 1391 થર્ડ જેન્ડર મતદારોનો સમાવેશ થાય છે. સૌથી વધુ મહિલા મતદાર ધરાવતાં પાંચ જિલ્લામાં અમદાવાદ  28,81,224  સ્ત્રી મતદારો, સુરત  21,94,915 સ્ત્રી મતદારો , વડોદરા  12,72,996 સ્ત્રી મતદારો , બનાસકાંઠા 11,97,814 સ્ત્રી મતદારો  અને રાજકોટ  11,10,306 સ્ત્રી મતદારોનો સમાવેશ થાય છે. 

આ પણ વાંચો -  વડોદરામાં મતદારોએ નેતાઓનું નાક દબાવ્યું, જાણો સમગ્ર મામલો