બીજા તબક્કાના મતદાન માટે તમામ પાર્ટીઓના ચૂંટણી પડઘમ આજે થશે શાંત

મહેસાણામાં ભારતીય જનતા પાર્ટીના ઉમેદવાર પટેલ મુકેશકુમાર ડી.ના સમર્થનમાં મહેસાણા ખાતે રોડ શો યોજાયો આ પ્રસંગે પૂર્વ નાયબ મુખ્યમંત્રી નીતિનભાઈ પટેલ અને રાજ્યસભાના સાંસદ જુગલજી લોખંડવાલા, સાંસદ શારદાબેન પટેલ અને સંગઠનના હોદ્દેદારો અને મોટી સંખ્યામાં કાર્યકર્તાઓ આ રોડમાં જોડાયા હતા અને ઉમેદવારને જંગી બહુમતીથી જીતાડવા અપીલ પણ કરવામાં આવી. આ રોડ શો મહેસાણા શહેર ના વિવિધ વિસ્તારોમાં ફરી હતી. બીજેપીના આ રોડ શોમાં મોટી સંખ્યામાં સ્થાનિકો પણ જોડાયા હતા.

ગુજરાત વિધાનસભાની ચૂંટણીમાં પ્રથમ ચરણ નું મતદાન પૂર્ણ થયું છે ત્યારે હવે બીજા ચરણમાં ઉત્તર ગુજરાતની પણ ચૂંટણી યોજવા જઈ રહી છે. ત્યારે તમામ પક્ષો આજના આ છેલ્લા દિવસે વધુમાં વધુ મતદારો સુધી પહોંચવા સંભવતઃ પ્રયાસ કરી રહ્યા છે. મતદારો વધુ મતદાન કરે તે માટે અપીલ પણ તંત્ર અને પક્ષો દ્વારા કરવામાં આવી રહી છે. ત્યારે લોકો ને આકર્ષવા અને લોકો સુધી પહોંચવા મોટાભાગના ઉમેદવારો આજે રોડ શો ના માધ્યમ થી મળવાનો પ્રયાસ કરતા નજરે પડ્યા.

આ પણ વાંચો - મતદાન માટે અમદાવાદના વહિવટી તંત્રએ પૂર્ણ કરી તમામ તૈયારી