શું તમારી પાસે Voter ID નથી? તો પણ કરી શકો છો મતદાન, જાણો કેવી રીતે
ગુજરાત વિધાનસભાની ચૂંટણી (Gujarat Assembly Election)ના બીજા તબક્કામાં આજે 14 મધ્ય અને ઉત્તર જિલ્લાની 93 બેઠકો પર લોકો પોતાના મતાધિકારનો ઉપયોગ કરી રહ્યા છે. વડાપ્રધાન નરેન્દ્ર મોદી (PM Narendra Modi) એ પણ આજે પોતાના મતાધિકારનો ઉપયોગ કર્યો હતો. ગુજરાતમાં આજે ચુસ્ત સુરક્ષા વ્યવસ્થા ગોઠવવામાં આવી છે. સવારે 8 વાગ્યાથી 93 બેઠકો પર મતદાનની પ્રક્રિયા શરૂ થઈ ગઈ છે. કુલ 833 ઉમેદવારો મેદાનમાં છે, જેમના ભાવિનો નિર્ણય EVMમાં થà
ગુજરાત વિધાનસભાની ચૂંટણી (Gujarat Assembly Election)ના બીજા તબક્કામાં આજે 14 મધ્ય અને ઉત્તર જિલ્લાની 93 બેઠકો પર લોકો પોતાના મતાધિકારનો ઉપયોગ કરી રહ્યા છે. વડાપ્રધાન નરેન્દ્ર મોદી (PM Narendra Modi) એ પણ આજે પોતાના મતાધિકારનો ઉપયોગ કર્યો હતો. ગુજરાતમાં આજે ચુસ્ત સુરક્ષા વ્યવસ્થા ગોઠવવામાં આવી છે. સવારે 8 વાગ્યાથી 93 બેઠકો પર મતદાનની પ્રક્રિયા શરૂ થઈ ગઈ છે. કુલ 833 ઉમેદવારો મેદાનમાં છે, જેમના ભાવિનો નિર્ણય EVMમાં થશે. આ વખતે ભાજપ, કોંગ્રેસ અને આમ આદમી પાર્ટી વચ્ચે ત્રિકોણીય મુકાબલો જોવા મળી રહ્યો છે. ધીમે ધીમે લોકો પણ મતદાનને પોતાની જવાબદારી સમજીને ઘરની બહાર નીકળી રહ્યા છે.
ગુજરાતમાં વિધાનસભા ચૂંટણીના બીજા તબક્કાનું મતદાન ચાલી રહ્યું છે. સવારે 11 વાગ્યા સુધી રાજ્યમાં 19.06% મતદાન થયું છે. અગાઉ 9 વાગ્યા સુધી 4.7% મતદાન થયું હતું. અહીં ગુજરાતમાં 14 જિલ્લાની 93 બેઠકો પર મતદાન થશે. અગાઉ 1 ડિસેમ્બરે 99 બેઠકો પર મતદાન થયું હતું. સૌરાષ્ટ્ર, કચ્છ અને દક્ષિણ ગુજરાત પ્રદેશોમાં 99ના રોજ સરેરાશ 63.31 ટકા મતદાન નોંધાયું હતું. આજે રાજ્યના 14 જિલ્લામાં મતદાન થઇ રહ્યું છે, જેમાં બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, અમદાવાદ, આણંદ, ખેડા, મહિસાગર, પંચમહાલ, દાહોદ, વડોદરા અને છોટા ઉદેપુરમાં મતદાન થઈ રહ્યું છે. અહીંના મતદારો સાંજે 5 વાગ્યા સુધી પોતાના મતાધિકારનો ઉપયોગ કરી શકશે. હાલમાં તમામ જગ્યાએ શાંતિપૂર્ણ મતદાન થઇ રહ્યું હોવાના અહેવાલ મળી રહ્યા છે. જોકે, ઘણા એવા લોકો પણ સામે આવ્યા છે કે જેમની પાસે વોટર આઈટી નથી.
જો તમારી પાસે વોટર આઈડી કાર્ડ ન હોય તો પણ તમે મતદાન કરી શકો છો. તમે વોટર આઈડી કાર્ડ વગર પણ મતદાન કરી શકો છો. પરંતુ આ માટે તમારું નામ મતદાર યાદીમાં હોવું જોઈએ. આવી સ્થિતિમાં પહેલા તમે તપાસ કરો કે તમારું નામ મતદાર યાદીમાં છે કે નહીં? અહીં તમે જાણી શકશો કે તમારું નામ મતદાર યાદીમાં છે કે નહીં?
મતદાર યાદીમાં તમારું નામ તપાસવા આટલું કરો
- સૌ પ્રથમ નેશનલ વોટર સર્વિસ પોર્ટલના ચૂંટણી સર્ચ પેજ https://electoralsearch.in પર જાઓ.
- પૃષ્ઠ પર તમે બે વિકલ્પો જોશો - EPIC નંબર અને વિગતો દ્વારા શોધો.
- સર્ચ બાય ડિટેલ્સ વિકલ્પ પર જઈને તમારું નામ, પિતા/પતિનું નામ, ઉંમર, જન્મ તારીખ અને જાતિ દાખલ કરો.
- માહિતી લોગ ઇન કર્યા પછી તમારે તમારા રાજ્ય, જિલ્લા અને વિધાનસભા મતવિસ્તારમાં પ્રવેશ કરવો પડશે.
- શોધવાનો બીજો વિકલ્પ એ છે કે તમારો EPIC નંબર દાખલ કરો અને તમારી વિગતો શોધો. આ પ્રક્રિયામાં તમારે તમારો EPIC નંબર અને રાજ્ય દાખલ કરવું પડશે.
- આ બંને વિકલ્પો માટે, તમારે અંતમાં કેપ્ચા કોડ દાખલ કરીને વેબસાઇટ પર આ માહિતી સબમિટ કરવાની રહેશે.
- એકવાર આ માહિતી પૂર્ણ થઈ જાય, વેબપેજ તમને મતદાર નોંધણીની વિગતો બતાવશે. જ્યાંથી તમે ચેક કરી શકો છો.
- SMS દ્વારા મતદાર યાદીમાં તમારું નામ તપાસો
- આ માટે તમારે મોબાઈલ મેસેજ સેક્શનમાં EPIC ટાઈપ કરવું પડશે.
- તમારો મતદાર આઈડી કાર્ડ નંબર દાખલ કરો.
- આ SMS 9211728082 અથવા 1950 પર મોકલો.
- તમારો મતદાન મથક નંબર અને નામ તમારા ફોનની સ્ક્રીન પર પ્રદર્શિત થશે.
- જો તમારું નામ મતદાર યાદીમાં નથી, તો તમને 'નો રેકોર્ડ મળ્યો નથી' એવો જવાબ મળશે.
માત્ર આટલા દસ્તાવેજ બતાવીને પણ તમે મતદાન કરી શકો છો
1. પાસપોર્ટ
2. ડ્રાઇવિંગ લાઇસન્સ
3. જો તમે કેન્દ્ર અથવા રાજ્ય સરકારના કર્મચારી છો અથવા PSU અને પબ્લિક લિમિટેડ કંપનીમાં કામ કરતા હોવ તો કંપનીના ફોટો આઈડીના આધારે પણ વોટિંગ કરી શકાય છે.
4. પાન કાર્ડ
5. આધાર કાર્ડ
6. પોસ્ટ ઓફિસ અને બેંક દ્વારા જારી કરાયેલ પાસબુક.
7. મનરેગા જોબ કાર્ડ.
8. શ્રમ મંત્રાલય દ્વારા જારી કરાયેલ આરોગ્ય વીમા કાર્ડ.
9. પેન્શન કાર્ડ કે જેના પર તમારો ફોટો લગાવેલ છે અને પ્રમાણિત છે.
10. નેશનલ પોપ્યુલેશન રજીસ્ટર (NPR) દ્વારા જારી કરાયેલ સ્માર્ટ કાર્ડ.
11. સાંસદ/ધારાસભ્ય/MLC દ્વારા જારી કરાયેલ સત્તાવાર ઓળખ કાર્ડ.
12. સામાજિક ન્યાય અને સશક્તિકરણ મંત્રાલય દ્વારા જારી કરાયેલ અનન્ય વિકલાંગતા ID (UDID) કાર્ડ.
ઉલ્લેખનીય છે કે, ગુજરાત વિધાનસભામાં કુલ 182 બેઠકો છે. બીજા તબક્કામાં બાકીની 93 બેઠકો પર મતદાન થઈ રહ્યું છે. તેના માટે 61 રાજકીય પક્ષોના 833 ઉમેદવારો મેદાનમાં છે. રાજ્ય ચૂંટણી સંસ્થાના જણાવ્યા અનુસાર, ઉમેદવારોમાં 285 અપક્ષોનો પણ સમાવેશ થાય છે.
આ પણ વાંચો - Live - PM મોદી, ગૃહમંત્રી અમિત શાહ, CM ભૂપેન્દ્ર પટેલે કર્યુ મતદાન, 11 વાગ્યા સુધીમાં 19.17 ટકા વોટિંગ
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Advertisement