દિગ્વિજયસિંહનો શિવરાજસિંહને વળતો જવાબ, કહ્યું શિવરાજ સિંહ પોતેજ સૌથી મોટા બગલા ભગત

 ગુજરાત વિધાનસભાની ચૂંટણી નજીક આવી રહી છે તેમ ભાજપ અને કોંગ્રેસના દિગ્ગજ રાષ્ટ્રીય નેતાઓ ગુજરાતમાં આવી પ્રચારને વેગવંતો બનાવી રહ્યા છે.. દરમ્યાન કોંગ્રેસના વરિષ્ઠ નેતા દિગ્વિજય સિંહે વડોદરાની મુલાકાત લીધી હતી.. જે દરમ્યાન તેમણે ભાજપ પર નિશાન સાધ્યું હતું..તેમણે કમલનાથને બગલા ભગત કહેનાર શિવરાજસિંહ ચૌહાણ પર નિશાન સાધ્યું .. તેમણે કહ્યું કે સૌથી મોટા બગલા ભગત શિવરાજસિંહ પોતે છે. કમલનાથની કેક કોન્ટ્રાવર્સી પર જવાબ આપતા તેમણે શિવરાજસિંહને વળતો જવાબ આપ્યો. તેમણે કહ્યું કે ભાજપના નેતા ઉમા ભારતીએ મંદિરમાં ઇંડાવાળી કેસ પ્રસ્તુત કરી હતી ત્યારે ભાજપ કેમ ચૂપ હતું..

દિગ્વિજય સિંહે ભાજપ પર નિશાન સાધતા વધુમાં કહ્યું હતું કે ભાજપે પાંચ વર્ષ સુધી માત્ર  ભ્રષ્ટાચાર આચર્યો છે. તેમણે કહ્યું કે ભાજપના નેતાઓ ચૂંટણી ટાણે જ દેખાય છે. પાંચ વર્ષ સુધી સૂતા રહે છે અને ચૂંટણીમાં જાગે છે. કોંગ્રેસ પાર્ટીની પ્રશંસા કરતા તેમણે કહ્યું કે કોંગ્રેસ એકતા  અને  સાંપ્રદાયિક સદભાવની વિચારધારા ધરાવતી પાર્ટી છે. 

મહત્વપૂર્ણ છે કે આગામી દિવસોમાં કોંગ્રેસના મોટા નેતાઓ ગુજરાતમાં ચૂંટણી પ્રચાર અર્થે આવશે.. કોંગ્રેસના પૂર્વ અધ્યક્ષ રાહુલ ગાંધી પણ ગુજરાતમાં અનેક સભાઓ ગજવશે. 

આ પણ વાંચો  -  રાજકોટ કોંગ્રેસમાં ગાબડું, જાણો ક્યા નેતા ભાજપમાં જોડાયા