2002 પછી કોઇની હિંમત નથી થઇ કે માથુ ઉંચુ કરી શકેઃ અમિત શાહ

કેન્દ્રીય ગૃહમંત્રી અમિત શાહે આજે ઝાલોદમાં ચૂંટણી સભા સંબોંધી હતી. જે દરમ્યાન તેમણે કોંગ્રેસ પાર્ટી પર આકરા પ્રહાર કર્યા.. તેમણે કહ્યું કે કોંગ્રેસે તેના 75 વર્ષના શાસનમાં આદિવાસીઓ સાથે અન્યાય કર્યો છે.. કોંગ્રેસે માત્ર આદિવાસીઓના વોટ લેવાનું કામ કર્યું છે.. કોંગ્રેસે ક્યારેય આદિવાસી સમુદાયમાંથી રાષ્ટ્રપતિ ન બનાવ્યા.. જ્યારે ભાજપે આદિવાસી સમુદાયમાંથી આવતા દ્રૌપદી મૂર્મુને રાષ્ટ્રપતિ બનાવ્યા. તેમણે કહ્યું કે મોદી સરકારે ગરીબો અને મધ્યમ વર્ગનું ધ્યાન રાખ્યું. 

સાથે જ  ગૃહમંત્રીએ કોરોના કાળને યાદ કરતા કહ્યું કે કોંગ્રેસ હોત તો કોરોનાની રસી ક્યારેય ન બની શકી હોય. તેમણે કહ્યું કે રાહુલ બાબા લોકોને રસી મુકાવવાની ના કહેતા રહ્યા અને  પોતે રાતના અંધારામાં જઇને રસી મુકાવી આવ્યા.. સાથે જ કોંગ્રેસના શાસનને યાદ કરતા તેમણે કહ્યું કે કોંગ્રેસના શાસનમાં ગુજરાતમાં છાશવારે તોફાન થતા હતા..પરંતુ 2002  પછી કોઇની હિંમત નથી કે માથુ ઉંચુ કરી શકે..તેમણે કહ્યું કે ઝાલોદને સૌથી વિકસિત વિસ્તાર બનાવવાનો ભાજપનો લક્ષ્યાંક છે. આ સાથે તેમણે વધુમાં કહ્યું કે આદિવાસી કલ્યાણ એટલે ભાજપ અને ભ્રષ્ટાચાર એટલે કોંગ્રેસ.

ગૃહમંત્રી અમિત શાહે અયોધ્યા રામ મંદિરનો પણ ઉલ્લેખ કર્યો.. તેમણે કહ્યું કે એક સમય એવો હતો જ્યારે અયોધ્યામાં રામ મંદિરને લઇને રાહુલ ગાંધી કટાક્ષ કરતા હતા..અને આજે જુઓ અયોધ્યામાં ગગનચુંબી રામ મંદિર તૈયાર થઇ રહ્યું છે. તેમણે કહ્યું કે જેટલા કમળ આપ ખીલવશો તેટલો વધુ ફાયદો થશે. 

આ પણ વાંચો -  નરેશભાઈ એટલા ભણેલા નથી એટલે એમના આસપાસના વિસ્તારના લોકો એમને મોગલી કહે છે : અનંત પટેલ