Gujarat Rain: ગુજરાતમાં ભારે વરસાદને લઈને કુલ 28 લોકોએ જીવ ગુમાવ્યો
- ગુજરાતના અનેક જિલ્લાઓમાં પૂર જેવી સ્થિતિ
- વરસાદના કારણે અત્યાર સુધીમાં કુલ 28 લોકોના મોત
- હવામાન વિભાગે ગુજરાતના 27 જિલ્લામાં રેડ એલર્ટ જાહેર
Gujarat Rain: ગુજરાતમાં વરસાદી (Gujarat Rain)ઈમરજન્સી ચાલી રહી છે. રેકોર્ડ વરસાદને કારણે હવામાન વિભાગે ગુજરાતના 27 જિલ્લામાં રેડ એલર્ટ જાહેર કર્યું છે. અગાઉના 48 કલાકના મુશળધાર વરસાદે ગુજરાતના અનેક જિલ્લાઓમાં પૂર જેવી સ્થિતિ સર્જી હતી. હવે હવામાન વિભાગે 28 અને 29 ઓગસ્ટ માટે રેડ એલર્ટ જાહેર કર્યું હતું. ત્યારે રાજ્યમાં ભારે વરસાદના કારણે અત્યાર સુધીમાં કુલ 28 લોકોના મોત થયા છે.
અત્યાર સુધીમાં 28 લોકોએ જીવ ગુમાવ્યા
ઉલ્લેખનીય છે કે ગુજરાતમાં ભારે વરસાદ(Gujarat Rain)ના કારણે અત્યાર સુધીમાં કુલ 28 લોકોના મોત થયા છે. મોરબીમાં 1, ગાંધીનગરમાં 2, આણંદમાં 6, વડોદરામાં 1, ખેડામાં 1, મહિસાગરમાં 2, ભરૂચમાં 1 પંચમહાલ 1, સુરેન્દ્રનગર 2 ,ડાંગ 1 દાહોદ 2, અરવલ્લી ,1 જામનગર 1, દેવભૂમિદ્રારકા 1 અને અમદાવાદમાં 4 વ્યક્તિએ જીવ ગુમાવ્યો છે. અને છેલ્લા ત્રણ દિવસમાં 11,043 લોકોનું સ્થળાંતર કરવામાં આવ્યું હતું. જેમાં નવસારી જિલ્લામાં સૌથી વધુ 4160, વલસાડમાં 1158, આણંદમાં 1081, વડોદરામાં 1008 લોકોને ખસેડવામાં આવ્યા છે.
આ પણ વાંચો -Gondal :મોટી ખીલોરી ગામે કોલપરી નદીમાં ઇક્કો કાર તણાઈ, બે નામોત
મુશળધાર વરસાદને કારણે સ્મશાનભૂમિ પણ પાણી ભરાયા
ગુજરાત (Gujarat Rain)પર આસમાની આફત તબાહી મચાવી રહી છે. જામનગરથી જૂનાગઢ, વડોદરાથી બનાસકાંઠા અને અરવલ્લીથી અમદાવાદ સુધી જળસંકટ દેખાઈ રહ્યું છે. પોશ વિસ્તારોમાં રહેતા લોકો પણ પાણી ભરાવાથી પરેશાન જોવા મળ્યા હતા. પૂરમાં પાર્ક કરેલી બાઇક અને સ્કૂટર લગભગ ડૂબી ગયા હતા. મુશળધાર વરસાદને કારણે સ્મશાનભૂમિ પણ પાણી ભરાઈ ગઈ હતી.
આ પણ વાંચો -Gondal: સતત વરસાદને પગલે લોકમેળો રદ્દ ,વેપારીએ નપા પાસે રીફંડ કરી માંગ
પ્રશાસનની ટીમે અત્યાર સુધીમાં 4 હજારથી વધુ લોકોને સલામત સ્થળે ખસેડ્યા
વડોદરામાં પણ વરસાદના કારણે જે માર્ગો પર વાહનોની ઝડપે અવરજવર રહેતી હતી. આજે ત્યાં કેટલાય ફૂટ પાણી છે. વડોદરામાં છેલ્લા 48 કલાકથી ભારે વરસાદથી શહેરની ગતિને બ્રેક લાગી છે. લોકો કહી રહ્યા છે કે તેમને કોઈક રીતે પૂરની યાતનામાંથી રાહત મળવી જોઈએ. વહીવટીતંત્ર અને એડીઆરએફની ટીમ નીચાણવાળા વિસ્તારોમાં રહેતા લોકોને બચાવી રહી છે. વાસ્તવમાં વડોદરાની વિશ્વામિત્ર નદીમાં આજવા સરોવરમાંથી પાણી છોડવામાં આવી રહ્યું છે. જેના કારણે વિશ્વામિત્ર નદીમાં ઉછાળો આવ્યો છે. આ નદી ખતરાના સ્તરથી 8 ફૂટ ઉપર વહી રહી છે. જેના કારણે નીચાણવાળા વિસ્તારો ડૂબી જવાનો ભય છે. પ્રશાસનની ટીમે અત્યાર સુધીમાં 4 હજારથી વધુ લોકોને સલામત સ્થળે ખસેડ્યા છે.
આ પણ વાંચો -Ahmedabad :ધમકી આપવાના ગુનામાં ગાયક વિજય સુવાળાની ધરપકડ
શહેરોમાં પાણી ભરાવાને કારણે મુશ્કેલી
આ ઉપરાંત રાજકોટમાં 2 દિવસમાં 20 ઈંચથી વધુ વરસાદના કારણે શહેરમાં પાણી ભરાઈ જતાં લોકોની મુશ્કેલી વધી રહી છે. જેના કારણે રાજકોટ શહેરના એન્ટ્રી પોઈન્ટ માધાપર ચોકડી પર વાહનોની અવરજવરને અસર થાય છે. જૂનાગઢમાં પણ સતત વરસાદને કારણે નદીઓમાં ઉછાળો જોવા મળી રહ્યો છે. ડેમ છલકાઈ રહ્યા છે. ડેમ ફુલ હોવાથી આસપાસના વિસ્તારોમાં ભયનો માહોલ જોવા મળી રહ્યો છે. હવામાન વિભાગનું રેડ એલર્ટ જણાવી રહ્યું છે કે આકાશી આફતનો ખતરો હજુ ટળ્યો નથી.