બારડોલી પાસે સુજલામ સુફલામ્ જળ અભિયાનનો પ્રારંભ

સુરત જિલ્લાના બારડોલી (Bardoli)ના  બાબલા ગામે સુજલામ સુફલામ્ જળ અભિયાન ૨૦૨૩નો શુભારંભ કરાયો હતો. રાજ્યના ગૃહ મંત્રી હર્ષ સંઘવી (Harsh Sanghvi)એ યોજનાનો પ્રારંભ કરાવ્યો હતો. યોજના થકી જમીનમાં પાણીના સ્તર ઉપર લાવવા સરકાર  પ્રયાસ કરી રહી છે.

ઉનાળાની મોસમને લઇને રાજ્યવ્યાપી સુજલામ-સુફલામ જળ અભિયાનના ૬ઠ્ઠા ચરણનો ગાંધીનગરના ખોરજથી મુખ્યમંત્રી શ્રી ભૂપેન્દ્ર પટેલ પ્રારંભ કરાવ્યો છે. ત્યારે રાજ્યમાં ભૂર્ગભ જળસ્તર ઊંચા લાવવાના હેતુથી  આ યોજના શરૂ કરાઇ છે. ગ્રામ્ય વિસ્તારોમાં  પાણીના મહત્તમ સંગ્રહ માટેના મહત્વપૂર્ણ અભિયાન સુજલામ સુફલામ જળ અભિયાનનો રાજ્યવ્યાપી પ્રારંભ આજ થી થયો છે. ત્યારે સુરત જિલ્લા ખાતે થી પણ રાજ્ય ગૃહ મંત્રી એ પ્રારંભ કરાવ્યો હતો. સુરત જિલ્લા ના બારડોલી ના બાબલા ગામે જિલ્લા વહીવટી તંત્ર દ્વારા કાર્યક્રમ માં રાજ્ય ગૃહ મંત્રી અભિયાન શરૂઆત કરાવી હતી. 

બારડોલી ના બાબલા ગામે જિલ્લા વહીવટી તંત્ર દ્વારા સુજલમ સુફલામ અભિયાન કાર્યક્રમ માં રાજ્ય ગૃહ મંત્રી હર્ષ સંઘવી એ તળાવ ની કામગીરી અને સ્વચ્છતા ઉપર વિશેષ ભાર મુક્યો હતો.  અને યોજના થકી તળાવમાં એકત્રિત થતા પાણીનો પૂરેપૂરો ગામ માટે અને ખેતી માટે ઉપયોગ કરવા ટકોર પણ કરી હતી.

ગુજરાતમાં અનિયમીત તથા અસમાન વરસાદને કારણે ભૂર્ગભ જળ સ્તર નીચે ઉતરતા જવાથી જળ સંચય-જળ સંગ્રહ અભિયાન ર૦૧૮ના વર્ષથી ઝૂંબેશ સ્વરૂપે શરૂ થયુ છે. આ અભિયાન હેઠળ સુરત જિલ્લાના બારડોલી સહિતના ગ્રામ્ય વિસ્તારોમાં  તળાવો ઊંડા કરવા, ચેકડેમ, રિપેરીંગ કામો તેમજ નવા ચેકડેમ, ખેત તલાવડી નિર્માણના કામો નો સમાવેશ કરાયો છે.  બાબલા  ગામે આયોજિત કાર્યક્રમમાં સ્થાનિક ધારાસભ્ય ઈશ્વર પરમાર, જિલ્લા કલેક્ટર સહિત મોટી સંખ્યા માં ગ્રામજનો હાજર રહ્યા હતા.

આ પણ વાંચો--તેલંગાણા ભાજપના ધારાસભ્ય અંબાજીના દર્શને, ભારત હિન્દુ રાષ્ટ્ર બને તેવું નિવેદન