એનીમિયામુક્ત ભારત અભિયાન અંતર્ગત તાલીમ આપવામાં આવી

જિલ્‍લા પંચાયત રાજકોટ ખાતે ન્યુટ્રીશન ઇન્ટરનેશનલ ટીમ દ્વારા એનીમિયા મુક્ત ભારત અભિયાન અંતર્ગત જિલ્લાના આરોગ્ય વિભાગના અધિકારીઓ અને કર્મચારીશ્રીઓને સપ્લાય ચેઇન મેનેજમેંટની તાલીમ આપવામાં આવી હતી. જેમાં જિલ્લાના તમામ તાલુકાના તાલુકા હેલ્થ ઓફિસરશ્રીઓ,તમામ પ્રાથમિક આરોગ્ય કેન્દ્ર અને અર્બન હેલ્થ સેન્ટરના ફાર્માસિસ્ટ તથા તાલુકા પ્રોગ્રામ આસિસ્ટન્ટ સામેલ થયા હતા. 

તાલીમમાં એનીમિયા મુક્ત ભારત અભિયાન અંતર્ગત એક પણ જરૂરિયાતમંદ લાભાર્થી IFA (આયર્ન ફોલિક એસિડ) ટેબલેટથી વંચિત ન રહે તેના પર ભાર મૂકવામાં આવ્યો હતો. IFA (આયર્ન ફોલિક એસિડ) ટેબલેટ એ જુદી જુદી કેટેગરી પ્રમાણે જુદા જુદા ડોઝમાં કલર કોડ પ્રમાણે આપવામાં આવે છે. જેમાં (૧) ૬ માસ થી ૫૯ માસના બાળકો, (૨) ૫ થી ૯વર્ષના બાળકો, (૩)૧૦ થી ૧૯વર્ષના બાળકો, (૪) સગર્ભા અને ધાત્રી માતા (૫) વલ્નરેબલ ગ્રુપને IFA ટેબલેટ આપવામાં આવે છે. IFA Red ટેબલેટ સગર્ભા અને ધાત્રી માતાને આપવા આવે છે.

IFA Blue ટેબલેટ સ્કૂલે જતાં તરૂણ બાળકોને આપવામાં આવે છે.IFA Pink ટેબલેટ 5 થી 9 વર્ષના શાળાએ જતા અને શાળાએ ન જતા બાળકોને આપવામાં આવે છે. જ્યારે IFA Syrup એ 6 થી 59 મહિનાના બાળકોને આપવામાં આવે છે. જુદી જુદી કેટેગરી પ્રમાણેની IFA ટેબલેટની ગણતરી અને સપ્લાયની વ્યવસ્થા કઈ રીતે કરવી તેની તાલીમ કર્મચારીઓઓને આપવામાં આવી હતી.

આપણ  વાંચો-માંડવીના ગોડસંબા ગામે ભય ફેલાવનાર કદાવર દીપડો પાંજરે પુરાયો