ગુજરાતની જનતાનો ભરોસો તૂટવા નહીં દઇએ: ભૂપેન્દ્ર પટેલ

ગુજરાત વિધાનસભામાં ભાજપના નવા ચૂંટાયેલા 156 ધારાસભ્યોએ ધારાસભ્ય દળના નેતા તરીકે ફરી એક વાર ભૂપેન્દ્ર પટેલ (Bhupendra Patel)ની પસંદગી કરી છે. તેઓ હવે રાજ્યના 18માં મુખ્યમંત્રી (Chief Minister) તરીકે સોમવારે 12 ડિસેમ્બરે શપથ લેશે. 

ધારાસભ્ય દળના નેતા તરીકે વરણી થયા બાદ ભૂપેન્દ્ર પટેલે કહ્યું કે  આજે મારી વરણી સીએમ તરીકેની થઈ છે અને  સરકાર અને સંગઠન સાથે રહી ને ખૂબ સારી રીતે ગુજરાતમાં સરકાર કામ કરશે. તેમણે એમ પણ કહ્યું કે ગુજરાતની જનતાનો ભરોસો તૂટે નહિ તે અંગેનું ધ્યાન રાખવામાં આવશે.

શ્રી ભૂપેન્દ્ર પટેલે કહ્યું કે ગુજરાતની જનતાએ મહોર લગાવી છે અને વડાપ્રધાનશ્રી મોદીનો સંકલ્પ તથા મારા ધારાસભ્યો અને સંગઠનની સાથે રહીને ગુજરાતમાં સારી રીતે કાર્ય કરશે. તેમણે કહ્યું કે જનતાએ ભાજપ સરકાર પર મુકેલો ભરોસો, વડાપ્રધાનશ્રી નરેન્દ્ર મોદી પર મુકેલો ભરોસો તૂટવા નહી દઇએ. સંકલ્પ પત્રમાં જે જાહેર કર્યું છે તેની પ્રાથમિક્તા હશે. પહેલી કેબિનેટમાં સીએએની જે કમિટી રચી છે તેની ભલામણના આધારે નિર્ણય કરાશે. હવે રાજભવન જઇને સરકાર રચવા દાવો કરીશું.

આ પણ વાંચો--'દાદા' ના આ નિર્ણયો...જે ફરી એક વાર તેમને મુખ્યમંત્રીની ખુરશી તરફ દોરી ગયા