વડાપ્રધાનશ્રી મોદીનો ભવ્ય રોડ-શો, સ્વાગતમાં મોટી સંખ્યામા ઉમટી જનમેદની, જુઓ તસવીરો

વડાપ્રધાનશ્રી મોદી 2 દિવસના ગુજરાત પ્રવાસ પર છે ત્યારે આજે પ્રવાસની શરૂઆત સુરતથી કરી હતી. જ્યાં વડાપ્રધાનશ્રી મોદીએ ત્રણ કિલોમીટર લાંબા રોડનું અભિવાદન ઝીલ્યું હતું. પીએમના આગમન પ્રસંગે જાણે આખુંય સુરત રોડ પર સ્વાગત કરવા ઉમેટી પડ્યું હોય તેવા દ્રશ્યો સર્જાયા હતા. કોઈ ટેટૂ દોરી તો કોઈ ચિત્ર રજૂ કરી પીએમ મોદીને આવકારી રહ્યા હતા. રોડની બંને તરફ જનમેદની વન્દે માતરમ, ભારત માતા કી જય નારા લગાવી રહી હતી. પીએમ મોદી પણ સુરતવાસીઓના ઉમળકાભેર સ્વાગતથી ગદગદીત થઈ ગયા હતા અને સભામાં તેમનો આભર માન્યો હતો. સુરત શહેર અને જિલ્લાને રૂ. ૩૪૭૨ કરોડના ૫૯ વિકાસ કામોની સોગાદ આપી હતી.

વડાપ્રધાન મોદીના સ્વાગત માટે મોટી સંખ્યામાં લોકો ઉમટી પડ્યા હતા. ત્યારે વડાપ્રધાન મોદીએ સુરતના નાગરિકોને નવરાત્રીની શુભેચ્છા પાઠવી હતી. વડાપ્રધાનને આવકારવા લોકોમાં અનેરો ઉત્સાહ જોવા મળ્યો હતો.