રોજગારીના અભાવે નકલી કિન્નર બનેલા શખ્સને અસલી કિન્નરોએ ભણાવ્યો પાઠ, નિર્વસ્ત્ર કરી માર્યો માર

બેરોજગારી દુર કરવા લોકોને અવનવી તરકીબો અજમાવતા અત્યાર સુધી તમે જોયા હશે. પરંતુ શું બેરોજગારી દુર કરવા કોઇ નકલી કિન્નર બની શકે. જી હા. ભરૂચ જિલ્લામાં આવીજ એક ઘટના સામે આવી છે. ગ્રામ્ય વિસ્તારમાં નકલી કિન્નર રૂપિયાની ઉઘરાણી કરતા હોવાની ફરિયાદોના પગલે ભરૂચના અસલી કિન્નરોએ આ નકલી કિન્નરોને પાઠ ભણાવ્યો હતો..અસલી કિન્નરોએ નકલી કિન્નરોને રંગે હાથ ઝડપી મેથીપાક ચખાડયો હતો..જો કે ઉંમરલાયક શખ્સ હોવાને કારણે અસલી કિન્નરોએ તેની પાસે માફીપત્ર લખાવીને તેને માફ કરી દીધો હતો. 

ભરૂચ જિલ્લાના દહેજ પંથકમાં વસતા કેટલાય પરપ્રાંતીઓ રોજગારી ન મળતી હોવાના કારણે રોજગારી મેળવવા શોર્ટકટ્  રસ્તા અપનાવતા હોય છે ..પરંતુ આ રસ્તો સૌ કોઇને નવાઇ પમાડે તેવો છે.  ભરૂચના દહેજ પંથકના જોલવા ગામ નજીક થોડા દિવસો અગાઉ એક પરપ્રાંતીય શખ્સ સ્ત્રીના વેશમાં નકલી કિન્નર બનીને રૂપિયાની ઉઘરાણી કરતા હોવાની ફરિયાદો મળી હતી..ભરૂચના અખાડામાં વસતા અસલી કિન્નરોએ આ પંથકમાં પહોંચી રિક્ષામાં આવતા નકલી કિન્નરનો પર્દાફાશ કર્યો હતો અને નકલી કિન્નર બનીને રૂપિયાની ઉઘરાણી કરનારા પરપ્રાંતીય શખ્સને ઝડપી પાડી તેને નિર્વસ્ત્ર કરીને પાઠ ભણાવ્યો હતો.  

ગતરોજ ભરૂચ તાલુકાના કરમાડ ગામે નકલી કિન્નર અને સાગરીત રૂપિયાની ઉઘરાણી કરવા નીકળ્યા હોવાની માહિતી ભરૂચના અખાડામાં વસતા અસલી કિન્નરોને થતા તેઓ સ્થળ ઉપર પહોંચી ગયા હતા અને કરમાડ ગામના વિવિધ વિસ્તારોમાં રમીલા ઉર્ફે રમણ નકલી કિન્નર તથા તેનો એક સાગરિત વિપુલ વસાવા રૂપિયાની ઉઘરાણી કરી રહ્યા હતા અને તે દરમિયાન જ તેમને ઝડપી લેવામાં આવ્યા હતા અને તેમની પાસેથી સ્ત્રી બનવા માટે કાનમાં પહેરેલી બુટ્ટીઓ સહિત માથાના બકલ- રબર મળ્યા હતા. નકલી કિન્નર અંદાજિત ૬૫ વર્ષથી વધુ ઉંમર ધરાવતો હતો. સ્ત્રીના વેશમાં રહેલા નકલી કિન્નરને ઝડપી પાડ્યા બાદ  તેની અસલીયત જાણવા પ્રયાસ કર્યો હતો. આ શખ્સ કોઈ રોજગારી ન હોવાના કારણે પેટીયુ રડવા માટે નકલી કિન્નર બન્યો હોવાનું સામે આવ્યું હતું. 

કરમાડ ગામેથી ઝડપાયેલા નકલી કિન્નર અને તેના સાગરિતના પરિવારોને અસલી કિન્નરોએ તેઓના ઘર બોલાવી ઠપકો આપ્યો હતો અને નકલી કિન્નર બનેલા રમીલા ઉર્ફે રમણને ઉંમર લાયક હોવાના કારણે અસલી કિન્નરોએ તેઓ ઉપર દયા રાખી માફી પત્ર લખાવ્યો હતો અને તેને માફ કરી દીધો હતો. સાથે જ  બે ટંક ભોજન માટે જો નકલી કિન્નર બન્યો હોય તો અસલી કિન્નરોએ કહ્યું તેઓ તેને ભોજનની સુવિધા પુરી પાડશે.. તમામ ખર્ચ ઉપાડવાની પણ બાહેધરી અસલી કિન્નરોએ આપી હતી..

આ પણ વાંચોઃ ભગવાનની માળા ઝપવાના ઉંમરે જેલના સળિયા ગણવાનો વારો આવ્યો