પહેલા નણંદ અને હવે સસરા પણ રીવાબાની વિરુદ્ધમાં , કોંગ્રેસના ઉમેદવારને ભાઇ ગણાવી તેને જીતાડવા કરી અપીલ

ગુજરાત વિધાનસભાની ચૂંટણીની સૌથી ચર્ચિત બેઠક જામનગર ઉત્તરમાં રીવાબા જાડેજાની મુશ્કેલીઓમાં વધારો થતો જોવા મળી રહ્યો છે. ભાભી નયનાબા પહેલેથી જ રીવાબા સામે મોરચો ખોલીને બેઠેલા છે અને  ભાજપના ઉમેદવાર બીપીનસિંહને જીતાડવા એડીચોટીનું જોર લગાવી રહ્યા છે. અને હવે ખુદ રિવાબાની સામે તેમના સસરા પણ મેદાનમાં ઉતર્યા છે.. રવિન્દ્ર જાડેજાના પિતાએ પુત્રવધૂને બદલે કોંગ્રેસના ઉમેદવારને સમર્થન આપવાની અપીલ કરી છે. વીડિયો સંદેશમાં રવિન્દ્ર જાડેજાના પિતાએ ક્ષત્રિય સમાજના કોંગ્રેસના ઉમેદવારને પોતાના નાના ભાઈ ગણાવી તેમને વિજયી બનાવવાની અપીલ કરી છે. અનિરુદ્ધ સિંહ જાડેજાનો આ વીડિયો હાલ સોશિયલ મીડિયા પર વાયરલ થઈ રહ્યો છે. 

રવિન્દ્ર જાડેજાની બહેન નયના જાડેજા પહેલેથી જ રીવાબાની મુશ્કેલીઓમાં વધારો કરી રહી છે. નયનાબાએ રીવાબા બહારની વ્યક્તિ હોવાનો મુદ્દો ઉઠાવ્યો છે.  રીવાબા જામનગરના બદલે રાજકોટ દક્ષિણના મતદાર છે. નણંદ નૈનાબાએ ભાભી રિવાબા પર તેના નામને લઇને શાબ્દિક પ્રહાર કરી રહ્યા છે.. કારણ કે લગ્નના છ વર્ષ પછી પણ રીવાબાના તમામ ડોક્યુમેન્ટ્સમાં પિતાની સરનેમ બોલી રહી છે.  તેમણે તેમના ડોક્યુમેન્ટ્સમાં સરનેમ સોલંકીથી બદલાવીને જાડેજા કરાવી નથી..  નયના જાડેજા કોંગ્રેસમાં છે અને તે પાર્ટીના ઉમેદવાર બિપિન્દરસિંહ જાડેજા માટે સતત પ્રચાર કરી રહ્યા છે.

જો કે રીવાબાની તરફેણમાં કોઇ મજબૂત અને અડિખમ રીતે ઉભુ હોય તો તે છે તેમના પતિ રવિન્દ્ર જાડેજા. જે  પોતાની પત્નીને જીતાડવા માટે તનતોડ પ્રયાસ કરી રહ્યા છે અને છેલ્લા એક સપ્તાહથી સતત રોડ શો પણ કરી રહ્યા છે. તેઓ સોશિયલ મીડિયા પર રીવાબા માટે પ્રચાર કરી રહ્યા છે. તાજેતરમાં કેન્દ્રીય ગૃહમંત્રી અમિત શાહ જામનગર પહોંચ્યા ત્યારે રવિન્દ્ર જાડેજાએ તેમની મુલાકાત કરી હતી. ટીમ ઈન્ડિયાના સ્ટાર ક્રિકેટર રવિન્દ્ર જાડેજા રાજકારણમાં સંપૂર્ણ રીતે છવાયેલા દેખાઈ રહ્યા છે. 28 નવેમ્બરે તેમણે ભાજપના ઉમેદવારની તરફેણમાં ડેડિયાપાડામાં રોડ શો પણ કર્યો હતો. ક્રિકેટના ચાહકો રવિન્દ્ર જાડેજાને સર જાડેજા કહીને બોલાવે છે.

આ પણ વાંચો  -  પલટાયું રાજકારણ, કોંગ્રેસ અધ્યક્ષ મલ્લિકાર્જુન ખડગેએ PM મોદીને કહ્યા રાવણ