10 દિવસમાં આગના 3 બનાવો અને 5 જિંદગી હોમાયા બાદ ખુલી AMCની આંખો, ફાયર સ્ટેશનની લીધી સરપ્રાઇઝ વિઝિટ

નવા વર્ષમાં હજુ 10 દિવસ વીત્યા છે અને એટલામાં  અમદાવાદમાં 3 જગ્યા એ આગના બનાવ બની ચૂક્યા છે..જેમાં પાંચ જિંદગીઓ હોમાઈ ગઈ છે.  થોડા દિવસ પેહલા જ શાહીબાગમાં લાગેલી આગમાં પ્રાંજલ જીવતી બળી ગઈ હતી. જેમાં અનેક આક્ષેપ કરવામાં આવ્યા કે ફાયર વિભાગ ની બેદરકારી હતી..સાથે જ ફાયર વિભાગ ની હાઇડ્રોલીક સીડી ખુલી ન હતી..જેવા આક્ષેપ ફાયર વિભાગ પર કરવામાં આવ્યા હતા. હવે આગની ઘટનાઓ મામલે હાઇકોર્ટની ટકોર બાદ amc ની આંખો ખુલી  છે. અને  હવે amc દ્વારા ફાયરના અત્યાધુનિક સાધનો તેમજ ફાયર સ્ટેશનની સપ્રાઈઝ વિઝીટ લેવામાં આવશે.જેમાં આજ રોજ નિકોલ ખાતેના ફાયર સ્ટેશન ની મુલાકાત લેવામાં આવી હતી. જેમાં પાંચ પદાધિકારીઓ સાથે જ ડેપ્યુટી કમિશનર રમેશ મેરજા દ્વારા પણ ફાયર સ્ટેશન અને હાઇડ્રોલિક સીડીની કેવી સ્થિતિ છે તેની ચકાસણી કરવામાં આવી.

આ દરમ્યાન મેયર,ડેપ્યુટી મેયર ,વિપક્ષના નેતા અને સ્ટેન્ડિગ કમિટીના ચેરમેન હાજર રહ્યા હતા.આગની ઘટનાઓ અટકાવવા તમામ લોકોએ તેમના ફ્લેટમાં લગાવેલા ફાયરના સાધનો કેમ ચાલવા તેની ટ્રેનિંગ લેવી જોઈએ તે બાબત પર ભાર મુકાયો સાથે જ જો આગ લાગે તો કેવા પગલાં ભરવા તેનું પણ સૂચન ડેપ્યુટી કમિશનર દ્વારા આપવામાં આવ્યું. શહેર સ્માર્ટ સીટીની હરોળમાં હરણફાળ ભરી રહ્યું છે..અને છત્તા પણ જો સામાન્ય આગમાં આપણે લોકોના જીવ ગુમાવવા પડે તો ખુબ ખરાબ સ્થિતિ કહેવાય તે વાત ચર્ચાનો વિષય બનેલી છે.. ત્યારે કોર્પોરેશનના અધિકારીઓએ કહ્યું કે ફાયર વિભાગ તમામ સાધનોથી સજ્જ છે.. અને જે આક્ષેપો કરવામાં આવી રહ્યા છે તે પાયાવિહોણા છે. 

ફાયર વિભાગ કહે છે કે હાઇડ્રોલિક સીડી નો ઉપયોગ હાઈરાઈઝ બિલ્ડીંગમાં લાગેલી આગ પર કાબુ મેળવવા માટે હોય છે..પરંતુ ઘણી વખત ટેક્નિકલ કારણોસર પણ ફાયરના સાધનો કામ કરતા નથી.હકીકત જે હોય તે પરંતુ હવે જયારે ઘોડા તબેલા માંથી છૂટી ગયા બાદ હવે કોર્પોરેશન તંત્ર તબેલાને તાળા બાંધવા જેવી કામગીરી કરી રહ્યું છે...હવે 3 જેટલી આગની ઘટનાઓમાં 5 લોકો હોમાઈ ગયા બાદ કોર્પોરેશન તંત્ર સફાળું જાગ્યું છે..