રાજ્યમાં બાળકીઓ સાથેના દુષ્કર્મના કેસોમાં 398 ટકા વધારો

રાજ્યમાં પોલીસ (Gujarat Police) તંત્ર દ્વારા સબ સલામતના બણગાં ફૂંકાઇ રહ્યા છે પણ રાજ્ય બાળકીઓની સુરક્ષામાં ઉણું ઉતર્યું હોવાના આંકડા બહાર આવી રહ્યા છે. રાજ્યમાં બાળકીઓ સલામત નથી તેવું જોવા મળી રહ્યું છે. બાળકીઓ સાથે દુષ્કર્મના કેસોમાં 398 ટકા વધારો જોવા મળ્યો છે.

રાજ્યમાં બાળકીઓ સાથે છેડતી અને દુષ્કર્મના કેસોમાં શરમજનક વધારો જોવા મળ્યો છે. બાળકીઓની છેડતીના ગુનામાં સતત વધારો થઇ રહ્યો છે. સલામત ગુજરાતના પોલીસ તંત્રના દાવાની વચ્ચે બાળકીઓ પર થયેલા અત્યાચારના આંકડા કંઇક જુદું જ ચિત્ર રજૂ કરી રહ્યા છે. રાજ્યમાં પોક્સોના કેસોમાં સતત વધારો જોવા મળ્યો છે. 

ગુજરાતમાં વર્ષ 2014-15માં 613 કેસ દુષ્કર્મના નોંધાયા છે જ્યારે  વર્ષ 2015-16માં 1609 કેસ પોક્સોના નોંધાયા છે.  વર્ષ 2016-17માં 1408 કેસ પોક્સોના નોંધાયા અને વર્ષ 2017-18માં 1698 કેસ પોક્સોના કેસ નોંધાયા છે.  વર્ષ 2018-19માં આ કેસ વધીને 2154 કેસ પોક્સોના પોલીસે નોંધ્યા છે જ્યારે વર્ષ 2019-20માં 2253 કેસ પોલીસે પોક્સોના કેસ નોંધ્યા છે.  વર્ષ 2020-21માં 2345 કેસ ગુજરાતમાં પોક્સો હેઠળ નોંધાયા છે. પોક્સોના કુલ 14,552 કેસો પૈકી માત્ર 231 કેસ પુરવાર થયા છે. 

રાજ્ય પોલીસ તંત્ર અને ગૃહ વિભાગ માટે આ આંકડા શમજનક છે. પોલીસે બાળકીઓની સુરક્ષા માટે અત્યાર સુધી લીધેલા પગલાં કારગત નિવડ્યા ના હોય તેમ લાગી રહ્યું છે જેથી આ દિશામાં હવે ગંભીરતાથી કડક કાર્યવાહી કરવી જરુરી બની ગઇ છે. 

આ પણ વાંચો--ઝુલતા પુલના 22 તાર પહેલાથી જ તૂટેલા હતા, SITનો ચોંકાવનારો રિપોર્ટ