જામનગર એરપોર્ટ પર ઇન્ટરનેશનલ ફ્લાઇટનો ખુણેખુણો સર્ચ કરાયો

મોસ્કો (Moscow)થી ગોવા (Goa) જતી ઇન્ટરનેશનલ ફ્લાઇટમાં બોમ્બ હોવાની જાણકારી મળ્યા બાદ ફ્લાઇટને જામનગર (Jamnagar) એરપોર્ટ પર ઇમરજન્સી લેન્ડિંગ કરવામાં આવ્યું છે. સતત 8 કલાકથી ફ્લાઇટમાં ચેકિંગ (Search) કરાઇ રહ્યું છે. એજન્સીઓએ મુસાફરોના સામાનથી માંડીને ફ્લાઇટનો ખુણેખુણો સર્ચ કર્યો છે પણ કોઇ સંદિગ્ધ ચીજ મળી નથી. સમગ્ર પ્રક્રિયાને પૂર્ણ થતાં હજું 3 કલાકથી વધુ સમય લાગી શકે છે તેમ જીલ્લા કલેક્ટરે જણાવ્યું છે. 

એનએસજીની ટીમ પણ જામનગર એરપોર્ટ પર પહોંચી છે અને તપાસ કરી રહી છે.  એનએસજીની વધુ એક ટીમને સ્થળ પર બોલાવાઇ છે. એનએસજીની ટીમ જ્યારે ક્લિયરન્સ આપશે ત્યાર બાદ જ ફ્લાઇટને ગોવા રવાના કરાશે. 

મોસ્કોથી ગોવા જતી ફ્લાઈટમાં બોમ્બ હોવાની જાણકારી મળી હતી. જામનગર એરપોર્ટ ખાતે ડાઈવર્ટ કરવામાં આવી હતી. બધા જ 236 અને 8 ક્રુ મેમ્બર મળી કુલ 244 લોકોને સુરક્ષિત બહાર કાઢી લેવામાં આવ્યા છે. જેઓ એરપોર્ટ લોન્જમાં છે. બોમ્બ ડિટેક્શન અને ડિસ્પોઝલની કામગીરી ચાલી રહી છે. બધા જ પેસેન્જર સુરક્ષિત છે.

જામનગર એરપોર્ટ પર આજે સાંજે 6 વાગ્યાની આસપાસ અઝુર એર નામની એરલાઇન્સના વિમાનના ઈમર્જન્સી લેન્ડિંગનો કોલ મળ્યો હતો. મોસ્કોથી ગોવા જઈ રહેલી ફ્લાટમાં બોમ્બ હોવાના ગુજરાત ATSને મળેલા ઇનપુટના આધારે રાત્રીના 9.49 કલાકે ફ્લાઇટનું ઇમરજન્સી લેન્ડિંગ કરવામાં આવ્યું છે. ગુજરાત ATSને ફ્લાઈટમાં બૉમ્બ હોવાના ઇનપુટ મલ્યા હતા. જામનગર એરપોર્ટ પર BDDSની એક ટિમ તથા જામનગર SOG, સ્થાનિક પોલીસ, ગુજરાત ATSના અધિકારીઓ પહોંચ્યા છે.

ATCના ઈનપુટ્સ બાદ મોસ્કો-ગોવા ચાર્ટર્ડ ફ્લાઇટ જામનગર, ગુજરાત તરફ ડાયવર્ટ કરવામાં આવી હતી. વધુ તપાસ ચાલી રહી છે. જામનગર એરપોર્ટને કોર્ડન કરી દેવામાં આવ્યું છે. કલેક્ટર, જિલ્લા પોલીસવડા સહિતનો કાફલો એરપોર્ટ પર પહોંચી ચુક્યો છે. હાલ ફ્લાઈટમાં કોઈ એક્સ્પોઝિવ પદાર્થ છે કે કેમ તેની તપાસ ચાલી રહી છે.

વિમાનમાં 236 વિદેશી મુસાફરો સવાર છે જેમને જામનગરની ખાનગી હોટેલમાં લઈ જવાની કાર્યવાહી હાથ ધરવામાં આવી છે. પણ જામનગર એરપોર્ટને કિલ્લેબંધીમાં ફેરવી દેવાયું છે. હાલ એરપોર્ટ પર અધિકૃત વ્યક્તિઓ સિવાય કોઈને પ્રવેશવા દેવામાં આવતા નથી.

આ પણ વાંચો---મોસ્કોથી ગોવા જતી ફ્લાઈટનું ઈમર્જન્સી લેન્ડિંગ, બોમ્બ ડિટેક્શન અને ડિસ્પોઝલની કામગીરી ચાલી રહી છે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.