સારો ફિઝિયોથેરેપિસ્ટ તે જ છે જેની વારંવાર દર્દીને જરુર ના પડે : PM MODI

ગુજરાતમાં ઈન્ડિયન એસોસિયેશન ઓફ ફિઝિયોથેરાપિસ્ટ (IAP) ની 60મી નેશનલ કોન્ફરન્સ (National Conference)નું ઉદ્ઘાટન કરતાં વડાપ્રધાન નરેન્દ્ર મોદી (Narendra Modi)એ જણાવ્યું હતું કે જ્યારે કોઈ વ્યક્તિને અચાનક ઈજા થાય છે ત્યારે તે તેના માટે માત્ર શારીરિક આઘાત જ નથી પરંતુ તે માનસિક આઘાત પણ છે. આવા સમયે ફિઝિયોથેરાપિસ્ટ તેની સારવાર જ નહીં પરંતુ તેને પ્રોત્સાહિત પણ કરે છે. ઘણી વાર મને તમારા વ્યવસાય અને તમારી વ્યાવસાયિકતામાંથી ઘણી પ્રેરણા પણ મળે છે. 

પીએમ મોદીએ કહ્યું કે આયુષ્માન ભારત યોજના અથવા સરકારની સામાજિક સુરક્ષા યોજના હેઠળ દેશમાં મજબૂત સામાજિક સુરક્ષા નેટ તૈયાર કરવામાં આવી છે. આજે આનાથી દેશના ગરીબ અને મધ્યમ વર્ગ મોટા સપના જોઈ શકે છે અને તેને સાકાર કરવા માટે હિંમત એકત્ર કરી શકે છે. વડાપ્રધાન નરેન્દ્ર મોદીએ વધુમાં કહ્યું કે આપણા દેશના ગરીબોને એક આધારની જરૂર છે, બેંક ખાતું ખોલાવવું હોય, શૌચાલય બનાવવું હોય કે લોકોને નળમાં પાણી પૂરું પાડવું હોય, અમે આવા અનેક અભિયાનો દ્વારા લોકોને સમર્થન આપ્યું છે.

ગુજરાતમાં ઈન્ડિયન એસોસિએશન ઑફ ફિઝિયોથેરાપિસ્ટના 60માં રાષ્ટ્રીય અધિવેશનનું ઉદ્ઘાટન કરતાં વડાપ્રધાને કહ્યું હતું કે સારા ફિઝિયોથેરાપિસ્ટ તે છે જેની દર્દીને વારંવાર જરૂર પડતી નથી. આપણે કહી શકીએ કે અમારો ઉદ્દેશ્ય લોકોને સ્વ-નિર્ભર બનાવવાનો છે. આજે, જ્યારે ભારત આત્મનિર્ભરતા તરફ આગળ વધી રહ્યું છે, ત્યારે તમારા વ્યવસાયના લોકો સરળતાથી સમજી શકે છે કે આપણા દેશના ભવિષ્ય માટે તે શા માટે મહત્વપૂર્ણ છે. પીએમએ કહ્યું કે ઈજા હોય, પીડા હોય, યુવા હોય, રમતવીર હોય, વૃદ્ધ હોય કે ફિટનેસના શોખીન હોય, ફિઝિયોથેરાપિસ્ટ દરેક પરિસ્થિતિમાં દરેક ઉંમરના લોકોના સાથી બનીને તેમની સમસ્યાઓ દૂર કરે છે.

તમે મુશ્કેલ સમયમાં આશાનું પ્રતિક બનો છો. પીએમ મોદીએ કહ્યું કે ઈન્ડિયન એસોસિયેશન ઓફ ફિઝિયોથેરાપિસ્ટની 60મી નેશનલ કોન્ફરન્સ માટે આપ સૌને શુભકામનાઓ. મને ખુશી છે કે મેડિકલ ક્ષેત્રના આટલા બધા પ્રોફેસરો એક સાથે આવી રહ્યા છે.

આ પણ વાંચો--જંત્રીમાં કરાયેલા વધારો હાલ પુરતો મોકૂફ, 15 એપ્રીલથી થશે અમલી, થશે આ ફાયદો, જાણો