ગુજરાતમાં મેઘરાજા થયા મહેરબાન; અનેક વિસ્તારોમાં જળબંબાકારની સ્થિતિ સર્જાઇ, જાણો ક્યા કેટલો વરસ્યો વરસાદ
- ખેરગામથી લઈને વલસાડ સુધી વરસાદની મોસમ
- ધરમપુર અને વલસાડમાં વરસાદના અફરાતફરી
- કડાણા અને લુણાવાડામાં 5 ઈંચ જેટલો વરસાદ પડ્યો
Gujarat: ગુજરાતમાં છેલ્લા 24 કલાકમાં મેઘરાજાએ પોતાની જોરદાર હાજરી નોંધાવી છે. રાજ્ય (Gujarat)ના 244 તાલુકાઓમાં ભારે વરસાદ પડ્યો છે, જેને કારણે અનેક વિસ્તારોમાં જળબંબાકારની સ્થિતિ સર્જાઈ છે. નવસારીના ખેરગામમાં 14 ઈંચથી વધુ વરસાદ નોંધાયો છે, જ્યારે ડાંગમાં પણ 10 ઈંચથી વધુ પાણી પડ્યું છે. કપરાડા અને વઘઈમાં પણ 10 ઈંચ વરસાદ થયો છે, જેને કારણે સ્થાનિક વાસીરોને મુશ્કેલીઓનો સામનો કરવો પડી રહ્યો છે. વિશાળ વરસાદના લીધે વિવિધ વિસ્તારોમાં પાણી ભરાઈ ગયું છે. ધરમપુર અને ડેડિયાપાડામાં 9 ઈંચથી વધુ વરસાદ નોંધાયો છે. વલસાડ અને સાગબારામાં પણ 9 ઈંચ વરસાદ પડ્યો છે, જેનાથી નીચાણવાળા વિસ્તારોમાં પાણી ભરાઈ ગયું છે સુબીર, મુળી, અને વાંસદા ખાતે 8 ઈંચથી વધુ વરસાદ પડવાથી હાલાકી સર્જાઈ છે.
- ગુજરાતમાં 24 કલાકમાં 244 તાલુકાઓમાં પડ્યો ભારે વરસાદ
- નવસારીના ખેરગામમાં 14 ઈંચથી વધુ વરસાદ નોંધાયો
- રાજકોટ શહેરમાં 24 કલાકમાં 8 ઈંચથી વધુ વરસાદ પડ્યો
- પંચમહાલ અને વડોદરાના ઘણા વિસ્તારોમાં પણ પડ્યો ભારે વરસાદ #Gujarat #GujaratRains #GujaratiNews #GujaratFirst— Gujarat First (@GujaratFirst) August 26, 2024
આ પણ વાંચો: Ahmedabad: મોડી રાત્રે મેઘરાજાએ અમદાવાદને ધમરોળ્યું, અનેક વિસ્તારો થયા જળબંબાકાર
રાજકોટ અને આ આસપાસના વિસ્તારો
રાજકોટ શહેરમાં 24 કલાકમાં 8 ઈંચથી વધુ વરસાદ પડ્યો છે, જ્યારે ચોટીલા, સંતરામપુર, અને કુકરમુંડામાં પોણા 8 ઈંચ વરસાદ નોંધાયો છે. વાંકાનેર, શહેરા, અને પારડીમાં પણ 7 ઈંચથી વધુ વરસાદ આવ્યો છે. આ વરસાદના કારણે શહેરોમાં ટ્રાફિક અને રોજિંદા જીવનમાં મોટી અફરાતફરી સર્જાઈ છે. પંચમહાલ અને વડોદરાના ઘણા વિસ્તારોમાં પણ ભારે વરસાદ પડ્યો છે. નાંદોદ અને હળવદમાં 7 ઈંચ જેટલો વરસાદ પડ્યો છે. વાપી, ફતેપુરા, અને કરજણમાં 6 ઈંચથી વધુ વરસાદ નોંધાયો છે, જ્યારે પગધરી અને ક્વાંટમાં પણ 6 ઈંચ વરસાદ થયો છે. દાહોદ અને મોડાસામાં 6 ઈંચ જેટલો વરસાદ પડ્યો છે, જેને કારણે પધ્ધરી જેવા વિસ્તારોમાં પાણી ભરાયાની સમસ્યાઓ ઉભી થઈ છે.
આ પણ વાંચો: Heavy Rain: રવિવારે રાત્રે ગુજરાતના અનેક વિસ્તારોમાં....
કડાણા અને લુણાવાડામાં 5 ઈંચ જેટલો વરસાદ પડ્યો
ગુજરાતના કેટલાક અન્ય વિસ્તારોમાં પણ ભારે વરસાદ નોંધાયો છે. કડાણા અને લુણાવાડામાં 5 ઈંચ જેટલો વરસાદ પડ્યો છે. થાનગઢ, મહુધા, ચીખલી, અને નડિયાદમાં 5 ઈંચ વરસાદ નોંધાયો છે. ગણદેવી, ઉમરપાડા, અને નીઝરમાં 4 ઈંચ સુધીનો વરસાદ પડ્યો છે. રાજ્યના 35 તાલુકાઓમાં 3થી 4 ઈંચ અને 37 તાલુકાઓમાં 2થી 3 ઈંચ વરસાદ નોંધાયો છે, જ્યારે 77 તાલુકાઓમાં 1થી 2 ઈંચ સુધીનો વરસાદ આવ્યો છે. આ સંપૂર્ણ વિગતવાર આંકડાઓ દર્શાવે છે કે, ગુજરાત રાજ્યના વિવિધ વિસ્તારોમાં મેઘરાજાની હાજરી નોંધાઈ છે અને વરસાદની જોરદાર જમાવટને કારણે અનેક વિસ્તારોમાં પાણી ભરાઈ ગયાં છે.
આ પણ વાંચો: Halavadની કંકાવટી નદીમાં ટ્રેક્ટર તણાયું, 10થી વધુ લાપતા...