INC: કોસ્ટ ગાર્ડની નેશનલ ઓઈલ સ્પીલ ડિઝાસ્ટર કન્ટીજન્સી પ્લાન અને નેશનલ પોલ્યુશન રિસ્પોન્સ એક્સરસાઇઝ

ઈન્ડિયન કોસ્ટ ગાર્ડના ડીજી રાકેશ પાલ, પેટીએમ, ટીએમ  નેશનલ ઓઈલ સ્પીલ ડિઝાસ્ટર કન્ટીજન્સી પ્લાન (NOS DCP) અને નેશનલ પોલ્યુશન રિસ્પોન્સ એક્સરસાઇઝ (NATPOLREX) ની બેઠકની અધ્યક્ષતા માટે ભારતીય કોસ્ટ ગાર્ડના ઉત્તર પશ્ચિમ ક્ષેત્રની ચાર દિવસીય મુલાકાતે આવ્યા છે.

ડાયરેક્ટર જનરલ વાડીનાર, જામનગર ખાતેની બેઠકની અધ્યક્ષતા કરશે જેમાં વરિષ્ઠ સરકારી અધિકારીઓ, સમગ્ર ભારતમાંથી વિવિધ હિસ્સેદારો અને વિદેશી દેશોના 25 થી વધુ પ્રતિનિધિઓ હાજર રહેશે

NATPOLREX માટેની દરિયાઈ કવાયત 25 નવેમ્બર 2023ના રોજ વાડીનારથી નજીકના દરિયામાં હાથ ધરવામાં આવશે જેમાં જહાજો અને વિમાનો દ્વારા વ્યવહારુ સિમ્યુલેટેડ કવાયત હાથ ધરવામાં આવશે. ઓઇલ હેન્ડલિંગ એજન્સીઓ જેમ કે IOCL, રિલાયન્સ, નયારા, અદાણી વગેરે જેવા અન્ય હિતધારકો સાથે ભારતીય વાયુસેના પરિવહન વિમાન પણ કવાયતમાં ભાગ લઈ રહ્યું છે.

કોસ્ટ ગાર્ડ કમાન્ડર (વેસ્ટર્ન સીબોર્ડ)  ADG KR સુરેશ, PTM, TM પણ આ બેઠકો અને કવાયત દરમિયાન હાજર રહેશે. કચ્છના અખાતમાં બંદરો દ્વારા હેન્ડલ કરવામાં આવતા તેલના જથ્થા અને ઘેરાયેલા દરિયાકાંઠાની સંવેદનશીલતાને ધ્યાનમાં રાખીને વાડીનાર/જામનગર ખાતે બેઠકનું આયોજન કરવામાં આવ્યું છે.

આ પણ વાંચો---AHMEDABAD : કેડિલાના CMD રાજીવ મોદી સામે દુષ્કર્મની ફરિયાદ