Video : મોડાસામાં ફટાકડાના ગોડાઉનમાં લાગી ભીષણ આગ, 4 મજૂરો જીવતા ભૂંજાયા

અરવલ્લી જિલ્લાના મુખ્ય મથક મોડાસા તાલુકાના લાલપુરકંપા પાસે ભયાનક આગ લાગી છે. પ્રાથમિક માહિતી પ્રમાણે ફટાકડામાં આગ લાગી છે. આગને કારણે અફરાતફરીનો માહોલ સર્જાયો હતો અને ચારેબાજુ ધુમાડાના ગોટેગોટા ઉડવા લાગ્યા હતા. ઉલ્લેખનીય છે કે, આ ઘટનામાં 4 મજૂરો જીવતા ભૂંજાયા છે. મોડાસા નગરપાલિકાની ફાયર ટીમ તાત્કાલિક ઘટના સ્થળે પહોંચી ગઈ હતી પણ આગનું સ્વરૂપ એટલું વિકરાળ હતું કે ફાયર વિભાગ દ્વારા મેજર કોલ જાહેર કરવામાં આવ્યો છે.

આ ઘટનાની જાણ થતાં ફાયરની ગાડીઓ ઘટનાસ્થળે પહોંચી ગઈ હતી અને આગ બુઝાવવાના પ્રયત્નો હાથ ધર્યા હતા. આ ઉપરાંત ફાયરવિભાગે મેજર કોલ જાહેર કર્યો હતો. જ્યારે 5 લોકોને સલામત બચાવી લેવામાં આવ્યા છે. પ્રાથમિક તપાસ દરમિયાન વેલ્ડિંગને કારણે આગ લાગી હોવાનું સામે આવ્યું છે. ઉલ્લેખનીય છે કે, આગને કારણે મોટા પ્રમાણમાં માલસામાનને નુકસાન થયું છે.