AMRELI : 15 વિદ્યાર્થીઓથી ભરેલી સ્કૂલ બસમાં અચાનક ભડકી ભયંકર આગ અને...

• AMRELI ના બાબરામાં સ્કૂલ બસ ભડભડ સળગી ઊઠી
• થોરખાણ ગામની જનતા વિદ્યાલયની સ્કૂલ બસમાં લાગી આગ
• શોટ સર્કિટ થતા બસમાં આગ લાગી હોવાની માહિતી

બાળકોને શાળામાં લઈ જતા વાહનોની બેદરકારીને લઈને હાલના સમયમાં ઘણી ચર્ચાઓ ચાલી રહી છે. ગુજરાતમાં છેલ્લા કેટલાક સમયમાં આવા સ્કૂલ વાહનોના અકસ્માતના સમાચાર સામે આવતા હોય છે.હવે અમરેલીમાંથી હાલ એક મોટા સમાચાર સામે આવી રહ્યા છે. AMRELI ના બાબરામાં એક ગંભીર ઘટના બની હતી જેમાં થોરખાણ ગામની જનતા વિદ્યાલયની સ્કૂલ બસમાં અચાનક આગ ભભૂકી ઊઠી હતી. મળતી માહિતીના અનુસાર, આ આગ શોર્ટ સર્કિટને કારણે લાગી હોવાનું પ્રાથમિક તપાસમાં બહાર આવ્યું છે.ચાલો જાણીએ શું છે સમગ્ર ઘટના

AMRELI માં 15 વિદ્યાર્થીઓથી ભરેલી સ્કૂલ બસ આવી આગની ચપેટમાં

AMRELI ના બાબરામાંથી આ મોટી ઘટના સામે આવી છે. સ્કૂલ અચાનક આગની ચપેટમાં આવી જતાં આ ઘટના સમગ્ર વિસ્તારમાં ચર્ચાનો વિષય બની છે.બસમાં લગભગ 15 વિદ્યાર્થી અને ડ્રાઈવર હાજર હતા, જે આ ઘટનામાં ચમત્કારિક રીતે બચી ગયા છે. મળતી વિગતના અનુસાર, શોર્ટ સર્કિટના કારણે લાગેલી આગે થોડી જ ક્ષણોમાં બસને પોતાની ચપેટમાં લઈ લીધી હતી. પરંતુ ડ્રાઈવરે સમયસૂચકતા દાખવી અને તરત જ વિદ્યાર્થીઓને સુરક્ષિત રીતે બહાર કાઢ્યા, જેનાથી કોઈ મોટી જાનહાનિ થઈ નહોતી.

વિદ્યાર્થીઓના પરિજનોમાં ચિંતા, પરંતુ મોટી જાનહાનિ ટળી

બસમાં આગ લાગવાની આ અણધારી ઘટનાએ આસપાસના ગામડાંમાં ચિંતાનો માહોલ ફેલાવી દીધો. ઘરની બહાર ગયેલા બાળકોની સલામતી માટે પરિજનો ખૂબ જ ચિંતિત થઈ ગયા છે. જોકે, બસમાં લાગેલી આગ ઝડપથી કાબૂમાં લેવામાં આવી, જેના કારણે મોટી જાનહાનિ ટળી હતી. ફાયર વિભાગે આગ પર ઝડપી કાબૂ મેળવ્યો, અને ડ્રાઈવરની કાળજીલક્ષી પગલાંઓને કારણે 15 જેટલા વિદ્યાર્થીઓ અને ડ્રાઈવર કોઈ નુકસાન વિના બચી ગયા હતા. આ ઘટના તરફ જોતાં, બસમાં સલામતીના નિયમો અને કામગીરીની વધુ મક્કમ વ્યવસ્થા જરૂરી બની છે, જેથી આવી ભૂલોને ભવિષ્યમાં રોકી શકાય.

આ પણ વાંચો : Gujarat Assembly: કોંગ્રેસના ધારાસભ્યોના દેખાવો...