ભટલાવ નજીક મહારાષ્ટ્ર પરિવહન બસ રોડ પરથી ખાડામાં ઉતરી 

બારડોલી તાલુકાના નાની ભટલાવ નજીક મહારાષ્ટ્ર પરિવહન બસને અકસ્માત નડ્યો હતો. ડ્રાઈવરે સ્ટેયરીંગ પરથી કાબુ ગુમાવતા બસ રોડ પરથી ખાડામાં ઉતરી ગઇ હતી. જો કે સદનસીબે આ ઘટનામાં કોઈ જાનહાની થવા  પામી ના હતી. બસમાં આશરે ૪૦ જેટલા મુસાફરો સવાર હોવાની માહિતી મળી હતી.

મળતી માહિતી મુજબ મહારાષ્ટ્ર પરિવહન બસ મહારાષ્ટ્ર ના ધૂલીયા ખાતે જઈ રહી હતી આ દરમ્યાન બારડોલી તાલુકાના નાની ભટલાવ નજીક બસ પહોચતા ડ્રાઈવરે સ્ટેયરીંગ પરથી કાબુ ગુમાવ્યો હતો જેથી બસ રોડ પરથી ખાડામાં ઉતરી ગઇ હતી. બસમાં અંદાજીત ૪૦ જેટલા મુસાફરો સવાર હતા. આ ઘટનાને લઈને મુસાફરોના જીવ તાળવે ચોટયા હતા.

બસ રોડ પરથી ખાડામાં ઉતરી જતા મુસાફરોના જીવ તાળવે ચોંટયા હતા.  આ ઘટનામાં બસને ભારે નુકશાન થયું હતું. બસના કાચ પણ તૂટી ગયા હતા. જો કે સદનસીબે આ ઘટનામાં કોઈ જાનહાની થવા પામી ના હતી જેને લઈને મુસાફરોએ રાહતનો દમ લીધો હતો.

આ પણ વાંચો---અમદાવાદમાં વેચાતુ હતું 100 રૂપિયામાં ઘરના ઘરનું સ્વપ્ન!, વાંચો આ અહેવાલમાં.