સંઘપ્રદેશ Dadra Nagar માં આવેલા ઢાબામાં લાગી આગ, આસપાસના વિસ્તારમાં થઈ દોડધામ
Dadra Nagar: સંઘપ્રદેશ દાદરા નગર (Dadra Nagar)માં આવેલ એક ઢાબામાં આગ લાગવાની ઘટના સામે આવી છે. વિગતે વાત કરવામાં આવે તો, સેલવાસના વાઘ છીપા ડોક મરડી રોડ વિસ્તારમાં આ ઘટના બનવા પામી છે. નોંધનીય છે કે, ઢાબાની બાજુમાંથી પસાર થતી ગેસ લાઇનમાં લાગી આગ હતી. પ્રાથમિક માહિતી પ્રમાણે ગેસ લાઈનમાં આગ લાગતા પાસેના ઢાબામાં પ્રસરતા બ્લાસ્ટ થયો હતો. જેથી લોકોમાં અફરાતફરીનો માહોલ પણ જોવા મળ્યો છે
ફાયર બ્રિગેડે આગ પર કાબૂ મેળવવા પ્રયાસ શરૂ કર્યો
વધારે વિગતે વાત કરવામાં આવે તો, આગની આ ઘટનામાં અત્યારે કોઈ ઈજા કે જાનહાનીના અહેવાલ સામે આવ્યા નથી. પરંતુ ગેસ લાઈનમાં આગ લાગતા બ્લાસ્ટ થયો હોવાનું જાણવા મળ્યું છે. ઉલ્લેખનીય છે કે, આગની ઘટનાને કારણે આસપાસના વિસ્તારોમાં પણ દોડધામ મચી જવા પામી છે. જો કે, ફાયર બ્રિગેડની ટીમોએ સ્થળ પર પહોંચી આગ પર કાબૂ મેળવવા પ્રયાસ શરૂ કરી દીધો છે.
નોંધનીય છે કે, ફાયર બ્રિગેડની ટીમ દ્વારા આગને કાબુમાં લેવાની કામગીરી હાથ ધરી દેવામાં આવી હતી. ઉલ્લેખનીય છે કે, અત્યારે આગ પર કાબુ મેળવી લેવામાં આવ્યો છે. જેથી લોકોએ અત્યારે રાહતનો શ્વાસ લીધો હતો.