ધ્રાંગધ્રા કુડા ચોકડી પાસે ભયાનક અકસ્માત,માત્ર એન્જિન બચ્યું, 4 ના મોત

અમદાવાદ-કચ્છ હાઈવે પર અકસ્માત થતા 4ના મોત થયા છે. જેમાં ધ્રાંગધ્રા બાયપાસ પાસે કાર પલટી મારી ડીવાઈડર કુદાવી સામેથી આવતી આઈસર સાથે અથડાઈ હતી. તેમાં 4 લોકોએ જીવ ગુમાવ્યો છે. તેમજ 3 લોકોને ગંભીર ઈજા પહોંચી છે.

હળવદના ગોલાસણના યુવાનો લગ્નમાંથી પરત ફરતા આ બનાવ બન્યો છે. જેમાં ધાંગધ્રા હાઈવે પર અકસ્માતમાં 4ના મોત 3 ઈજાગ્રસ્ત થયા છે. નરાળી ગામેથી રાત્રિના લગ્નમાંથી પરત ફરતા બનાવ બન્યો છે. સ્ટેરીંગ પરથી કાબુ ગુમાવતા ડિવાઈડર કુદાવી આઇસર સાથે અકસ્માત થયો છે. ત્યારે 3 મૃતદેહને ધાંગધ્રા સરકારી હોસ્પિટલ ખાતે પીએમ અર્થે ખસેડ્યા છે. 4 લોકોને સુરેન્દ્રનગર સારવાર  અર્થે લઈ જતાં 1નુ મોત થયુ છે. એક જ ગામના ચાર યુવાનોના મોત થતાં ગામ હિબકે ચડ્યું છે.

આ પણ  વાંચો-ગુજરાતમાં બનશે નવા 11 ગ્રીનફિલ્ડ એરપોર્ટ, સરકારે AAI સાથે કર્યા MOU