ભારતના તાજેતરના કોમેડી કિંગ ગણાતા કપિલ શર્મા લાંબા સમયથી નાના પડદા પર દર્શકોનું મનોરંજન કરી રહ્યા છે. શર્માએ પોતાની કોમેડીથી આજે પોતાના દર્શકોને ખૂબ જ હસાવ્યા છે. હવે કપિલ શર્મા અને સુનીલ ગ્રોવરના ફેન્સ માટે તાજેતરમાં એક સારા સમાચાર સામે આવ્યા છે. કહેવામાં આવી રહ્યું છે કે કપિલ શર્મા અને સુનીલ ગ્રોવર વચ્ચે 6 વર્ષ જૂની લડાઈનો હવે અંત આવ્યો છે. ફરી એકવાર બંને એક નવા કોમેડી શોમાં એકસાથે હલચલ મચાવવા જઈ રહ્યા છે. આ સમાચાર સાંભળીને ચાહકો પણ ઘણા ખુશ થઈ ગયા છે.

કપિલ શર્મા અને સુનીલ ગ્રોવરની કોમેડી જોડી એક સાથ જોવા મળશે

કપિલ શર્મા અને સુનીલ ગ્રોવર આ સુપરહિટ જોડી હવે Netflix પર કોમેડી શોમાં જોવા મળવાની છે. આ શોમાં કૃષ્ણા અભિષેક, અર્ચના પુરણ સિંહ, કીકુ શારદા અને રાજીવ ઠાકુર સહિત 'ધ કપિલ શર્મા શો'ની આખી ટીમ તમને હસાવશે. જણાવી દઇએ કે, એક સમય હતો કે કોમેડિયન કપિલ શર્મા અને સુનીલ ગ્રોવરની જુગલબંધી દર્શકોને ખૂબ જ પસંદ આવી હતી. જ્યારે સુનીલ 'કોમેડી નાઈટ્સ વિથ કપિલ'માં 'ગુથ્થી' તરીકે આવતો ત્યારે શો જોવાની મજા બમણી થઈ ગઈ હતી. જો કે ત્યારબાદ બંને કલાકારો વચ્ચે ઝઘડો થયો હતો. આથી સુનીલ કપિલનો શો છોડીને પોતાના અલગ રસ્તે ચાલ્યો ગયો. આ હોવા છતાં, ચાહકો બંનેને સ્ક્રીન પર એકસાથે જોવા માટે ઉત્સુક હતા. જણાવી દઇએ કે, તાજેતરમાં કપિલ ઘર બદલતો જોવા મળ્યો હતો અને કહેતો જોવા મળ્યો હતો - 'ઘર બદલાઈ ગયું છે, પરિવાર નહીં.' તેના નિવેદનનો અર્થ થોડા સમય પહેલા સ્પષ્ટ થઈ ગયો હતો અને હવે તે દર્શકો માટે એક મોટું આશ્ચર્ય છે.

View this post on Instagram

 

A post shared by Netflix India (@netflix_in)

OTT પર આવી રહી છે આ કોમેડી જોડી

નેટફ્લિક્સે સોશિયલ મીડિયા પર એક વીડિયો શેર કર્યો છે. આ વીડિયોની શરૂઆત કપિલ શર્માથી થાય છે અને આ પછી સુનીલ ગ્રોવર જોવા મળે છે. આ દરમિયાન બંને વચ્ચે હાસ્ય અને મજાક જોવા મળે છે. ધીરે ધીરે શોના અન્ય સભ્યો એટલે કે કૃષ્ણા અભિષેક, કીકુ શારદા, રાજીવ ઠાકુર અને અર્ચના પુરણ સિંહ પણ આવી જાય છે. આ બધા એકસાથે હસતા અને મજાક કરતા જોવા મળે છે.

કપિલ શર્માએ પણ શેર કર્યો વીડિયો

જણાવી દઈએ કે, નેટફ્લિક્સમાં આવી રહેલા નવા શો વિશે કપિલ શર્માએ પણ એક પોસ્ટ શેર કરી છે. આ પોસ્ટમાં કપિલ શર્મા સુનીલ ગ્રોવર સાથે જોવા મળી રહ્યા છે. તેની પોસ્ટ પર ફેન્સ પોતાનો પ્રતિભાવ આપી રહ્યા છે. તમે વીડિયોમાં જોઈ શકો છો કે બંને એકબીજા સાથે હસતા અને મજાક કરતા જોવા મળે છે. જણાવી દઈએ કે, કપિલ શર્માનો નવો કોમેડી શો નેટફ્લિક્સ પર પ્રસારિત થશે. તેણે આનો પ્રોમો શેર કર્યો છે.

Have you seen this ? 🤩 #Netflix pic.twitter.com/LkdN0dENYH

— Kapil Sharma (@KapilSharmaK9) December 2, 2023

શું હતો કપિલ-સુનીલ વચ્ચેનો વિવાદ ?

સુનીલ 'ધ કપિલ શર્મા શો'માં 'ડૉક્ટર મશૂર ગુલાટી'નું પાત્ર ભજવીને ફેમસ થયો હતો. તેના એક્ઝિટને કારણે શોની TRP પર ઘણી અસર થઈ હતી. બંને વચ્ચેના વિવાદની ખૂબ ચર્ચા થઈ હતી. 2017માં ઓસ્ટ્રેલિયાથી આવતી વખતે ફ્લાઇટમાં સુનીલ અને કપિલ વચ્ચે ઝઘડો થયો હતો. કહેવાય છે કે કપિલે ગુસ્સામાં સુનીલ પર હાથ પણ ઉપાડ્યો હતો. આ કારણોસર સુનીલે તેનો શો છોડી દીધો હતો.

આ પણ વાંચો - ગોલમાલના ‘ફેસબુક’થી લઈને અક્ષય કુમારના ‘એન્ટરટેનમેન્ટ’ સુધી, આ પ્રાણી સપ્લાયર્સ બોલિવૂડને કરે છે મદદ

આ પણ વાંચો - આ ચકલીની એક્ટિંગ જોઈ ચોંકી જશો તમે, Video

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ