Shaktimaan Teaser: 'શક્તિમાન'ની ધમાકેદાર વાપસી! મુકેશ ખન્નાએ જાહેર કર્યું ટીઝર
- સુપરહીરો શક્તિમાન પરત ફરવા માટે તૈયાર
- અભિનેતા મુકેશ ખન્નાએ એક ટીઝર રિલીઝ કર્યું
- બહુપ્રતિક્ષિત શોની વાપસીના સંકેત આપ્યા
Shaktimaan Teaser: લાંબી રાહ જોયા બાદ ભારતીય ટીવીનો સૌથી પ્રખ્યાત સુપરહીરો શક્તિમા(Shaktimaan Teaser)ન પરત ફરવા માટે તૈયાર છે. શક્તિમાનનું પાત્ર ભજવતા અભિનેતા મુકેશ ખન્નાએ એક ટીઝર રિલીઝ કરીને આ બહુપ્રતિક્ષિત શોની વાપસીના સંકેત આપ્યા હતા. ટીઝરમાં મૂળ શોની કેટલીક જૂની અને યાદગાર ક્લિપ્સ દર્શાવવામાં આવી છે અને તેમાં એક ચોંકાવનારી ક્ષણનો પણ સમાવેશ થાય છે જ્યારે શક્તિમાન સ્ક્રીન પર ગીત ગાતો દેખાય છે.
દર્શકોમાં પોતાની એક ખાસ ઓળખ બનાવી હતી
આ વિચિત્ર ટ્વિસ્ટ શક્તિમાનના ફેન્સમાં રોમાંચ અને જિજ્ઞાસા વધારી રહ્યું છે, જેઓ હવે સુપરહીરોના નવા એડવેન્ચર્સની આતુરતાથી રાહ જોઈ રહ્યા છે. શક્તિમાનનો શો મૂળરૂપે ડીડી નેશનલ પર 1997 થી 2005 દરમિયાન પ્રસારિત થયો હતો અને તે દરમિયાન તેણે દર્શકોમાં પોતાની એક ખાસ ઓળખ બનાવી હતી.
View this post on Instagram
એક સમયનું સાંસ્કૃતિક ચિહ્ન
શક્તિમાન એ એક્શન, કોમેડી અને નૈતિક શિક્ષણના અનોખા મિશ્રણથી તમામ વય જૂથોના પ્રેક્ષકોને મંત્રમુગ્ધ કર્યા હતા. આ શો માત્ર બાળકોમાં જ નહીં પણ વૃદ્ધોમાં પણ સાંસ્કૃતિક પ્રતિક બની ગયો હતો. શક્તિમાનનો ઉદ્દેશ્ય માત્ર મનોરંજન જ નહોતો, પરંતુ તે સમાજને સારા મૂલ્યો અને નૈતિકતા શીખવતો હતો.
આ પણ વાંચો -કોણ છે Aditi Mistry ? જે Bigg Boss18 માં કરશે એન્ટ્રી!
નવી પેઢી માટે વાપસી
મુકેશ ખન્નાએ ઇન્સ્ટાગ્રામ પર લખ્યું હતું કે, "તે આજની પેઢી માટે એક નવી શિક્ષા સાથે પરત ફર્યા છે." આ નિવેદન સાથે તેમણે સ્પષ્ટ કર્યું હતું કે શક્તિમાનની વાપસી માત્ર એક શો તરીકે નહીં, પરંતુ એક ઉદ્દેશ્ય સાથે થશે. તેમનો આ નવું રૂપ અને શૈલી આજની પેઢી માટે યોગ્ય માર્ગદર્શન તરીકે કામ કરશે.
આ પણ વાંચો -Anupama એ સાવકી દિકરીને કેમ મોકલી બદનક્ષીની નોટિસ...?
ચાહકોની અપેક્ષાઓ અને ઉત્સાહ
શક્તિમાનના ટીઝરે સોશિયલ મીડિયા પર નવી ધૂમ મચાવી છે. ચાહકો જૂના શોની યાદોમાં ખોવાઈ ગયા છે અને નવા ટ્વિસ્ટ માટે પણ ઉત્સાહિત છે. હવે જોવાનું એ રહે છે કે શક્તિમાનનો આ નવો અધ્યાય દર્શકોના દિલને કેવી રીતે સ્પર્શે છે.