રણવીર સિંહને મળ્યો સંજય લીલા ભણસાલીનો સપોર્ટ, ફિલ્મ 'બૈજુ બાવરા' માં જોવા મળશે અભિનેતા

અહેવાલ - રવિ પટેલ

બોલિવૂડ એક્ટર રણવીર સિંહ (Ranvir Singh) ઈન્ડસ્ટ્રીના લોકપ્રિય સ્ટાર્સમાંથી એક છે. અભિનેતાની કેટલીક ફિલ્મો બોક્સ ઓફિસ પર સતત ફ્લોપ રહી છે. વર્ષ 2021 માં, અભિનેતાની 83 રિલીઝ થઈ હતી. તેના વર્ષ 2022માં જયેશભાઈ જોરદાર અને સર્કસ આવ્યું. આ ત્રણેય ફિલ્મો બોક્સ ઓફિસ પર ખરાબ રીતે પીટાઈ ગઈ હતી. આ ફિલ્મો ફ્લોપ થયા બાદ યશ રાજ ફિલ્મ્સે થોડા સમય માટે રણવીરને સાઈન કરવાની ના પાડી દીધી હતી.

આ ફિલ્મમાં જોવા મળશે
મીડિયા રિપોર્ટ્સ અનુસાર આદિત્ય ચોપરાની (Aditya Chopra) ખૂબ જ નજીકની વ્યક્તિએ માહિતી આપી છે કે રણવીર સિંહ સંજય લીલા ભણસાલીની (Sanjay Leela Bhansali) આગામી ફિલ્મ 'બૈજુ બાવરા'માં જોવા મળશે. રણવીર સિંહ સંજય સાથે 'પદ્માવત' સાથે ઘણી સુપરહિટ ફિલ્મોમાં કામ કરી ચૂક્યો છે.

ભણસાલી અને રણવીરે સાથે કામ કર્યું છે
રણવીર સિંહ અને સંજય લીલા ભણસાલીની જોડી ઘણી વખત સાથે આવી છે. આ અદ્ભુત જોડી જેટલી વખત સાથે આવી છે, તેઓએ ફિલ્મી પડદા પર ધૂમ મચાવી છે. હવે જોવાનું રસપ્રદ રહેશે કે આ જોડી 'બૈજુ બાવરા'માં એકસાથે કેવો ડ્રામા સર્જશે. રણવીર સિંહ અને સંજય લીલા ભણસાલીના તમામ ફેન્સ આ સમાચારથી ખૂબ જ ઉત્સાહિત દેખાઈ રહ્યા છે.

આ સિવાય આદિત્ય ચોપરાના નજીકના મિત્રએ પણ કહ્યું કે, 'કોણ કહે છે કે યશ રાજ બેનર રણવીર સિંહ સાથે કામ કરવા નથી માંગતું. આદિત્ય ચોપરા હજુ પણ રણવીરને ઘણો પ્રેમ કરે છે અને રણવીર સિંહ ટૂંક સમયમાં જ સંજય લીલા ભણસાલીની બૈજુ બાવરા સાથે કમબેક કરશે. આ ફિલ્મ તેની કારકિર્દીની આઇકોનિક ફિલ્મોમાંથી એક હશે. સૂત્રએ જણાવ્યું કે કેટલાક લોકો એવું પણ કહે છે કે આદિત્યએ રણવીરને બૈજુ બાવરામાંથી હટાવવાનું સૂચન કર્યું હતું. પરંતુ આ સાચું નથી. ભણસાલી આ ફિલ્મમાં રણવીર સિંહ અને આલિયા ભટ્ટ સાથે કામ કરશે.

બીજી તરફ વર્ક ફ્રન્ટની વાત કરીએ તો રણવીર અને આલિયા કરણ જોહરની ફિલ્મ રાજા ઔર રાની કી પ્રેમ કહાનીમાં જોવા મળશે. આ ફિલ્મ સાથે કરણ જોહર લાંબા સમય બાદ ડિરેક્ટર તરીકે વાપસી કરી રહ્યો છે. આ ફિલ્મમાં જયા બચ્ચન અને શબાના આઝમી અને ધર્મેન્દ્ર મુખ્ય ભૂમિકામાં છે.

આ પણ વાંચો – ટ્વિટરમાં કેમ ટ્રેન્ડ થઇ રહ્યું છે #KGF3, જાણો ક્યારે રિલીઝ થશે ફિલ્મ?