સરગમ કૌશલ બની Mrs. World 2022, 21 વર્ષ બાદ આ ખિતાબ કોઇ ભારતીયે જીત્યો

ભારતની સરગમ કૌશલે Mrs. World 2022 નો ખિતાબ જીત્યો છે. સરગમ કૌશલ (Sargam Koushal) જમ્મુ-કાશ્મીરની રહેવાસી છે અને તે ટીચર અને મોડલ પણ છે. 63 દેશોની મહિલાઓને પાછળ છોડીને સરગમે આ ખિતાબ પોતાના નામે કર્યો છે. મહત્વનું છે કે, 21 વર્ષ પછી કોઈ ભારતીયે આ ખિતાબ જીત્યો છે. આ અંગેની માહિતી રવિવારે મિસિસ ઈન્ડિયા પેજન્ટના ઓફિશિયલ ઈન્સ્ટાગ્રામ પેજ પર આપવામાં આવી હતી.

ભારતે 21 વર્ષ બાદ 'મિસિસ વર્લ્ડ' નો ખિતાબ જીત્યો છે. ભારતીય સુંદરી સરગમ કૌશલે આ ખિતાબ જીતીને દેશનું નામ રોશન કર્યું છે. સરગમ કૌશલે લાસ વેગાસમાં આયોજિત 'મિસિસ વર્લ્ડ 2022' (Mrs World 2022) સ્પર્ધામાં 63 દેશોની સુંદર સુંદરીઓમાં આ ખિતાબ જીત્યો હતો. તેમની આ જીતથી ભારતનું માથું ગર્વથી ઊંચું થઈ ગયું છે. સરગમ કૌશલ જમ્મુ-કાશ્મીરની રહેવાસી છે. તેણે અંગ્રેજી સાહિત્યમાં પોસ્ટ ગ્રેજ્યુએશન કર્યું છે. સરગમ કૌશલે વિશાખાપટ્ટનમની એક શાળામાં શિક્ષક તરીકે પણ કામ કર્યું છે. જ્યારે સરગમને મોડલિંગની ઓફર મળવા લાગી ત્યારે તેણે શિક્ષકનો વ્યવસાય છોડીને મોડલિંગ અપનાવ્યું. આ પછી સરગમે ભારતીય નૌકાદળમાં લેફ્ટનન્ટ કમાન્ડર આદિત્ય મનોહર શર્મા (સરગમ કૌશલ પતિ) સાથે લગ્ન કર્યા. લાંબી રાહ જોયા બાદ ભારતે 'મિસિસ વર્લ્ડ'નો ખિતાબ જીત્યો છે. 

21 વર્ષ પહેલા 2001માં ડૉ. અદિતિ ગોવિત્રીકરે આ તાજ પોતાના નામે કર્યો હતો. આ વર્ષે અદિતિ ગોવિત્રીકર 'મિસિસ વર્લ્ડ 2022' ની જજ બની હતી. 

Update...