કેટરીનાએ ઇન્સ્ટાગ્રામ પર શેયર કરી નવી તસવીર, પ્રેગનેન્સીની ખબર પર આપી દીધો જવાબ

વિકી કૌશલની પત્ની કેટરિના કૈફ બોલિવૂડની ખૂબ જ લોકપ્રિય અભિનેત્રી છે જે આજકાલ પોતાની અંગત જિંદગીને લઈને ઘણી ચર્ચામાં છે. તમને જણાવી દઈએ કે છેલ્લા કેટલાક મહિનાઓથી અભિનેત્રીની પ્રેગ્નન્સીના સમાચાર સામે આવી રહ્યા છે અને તેના તમામ ફોટો અને વીડિયો પર લોકો વારંવાર કહી રહ્યા છે કે અભિનેત્રી માતા બનવાની છે, તે પ્રેગ્નન્ટ છે! કેટરીનાએ આ અહેવાલો પર ક્યારેય કશું કહ્યું નથી, ન તો સ્વીકાર્યુ છે  કે ન તો નકાર્યુ છે. હવે થોડા સમય પહેલા કેટરીનાએ ઈન્સ્ટાગ્રામ પર એક નવો ફોટો શેર કર્યો છે, જેમાં આડકતરી રીતે કેટરીનાએ તેની પ્રેગ્નન્સી અંગેના સવાલોના જવાબ આપ્યા છે. તમે પણ જુઓ કેટરીનાએ સોશિયલ મીડિયા પર આ રીતે શું પોસ્ટ કર્યું છે...

વિકી કૌશલની પત્ની અને અભિનેત્રી કેટરીનાએ એક નવો ફોટો શેર કર્યો છે

કેટરિના કૈફે થોડા સમય પહેલા ઈન્સ્ટાગ્રામ પર એક નવો ફોટો શેર કર્યો છે, જેમાં અભિનેત્રીનો નો-મેકઅપ લુક જોવા મળી રહ્યો છે. આ ફોટામાં વિકી કૌશલની પત્નીએ સફેદ રંગનો ટૂંકો ડ્રેસ પહેર્યો છે અને તડકામાં તે તેના ઘરની બાલ્કનીમાં બેઠી છે; તેના ચહેરા પર સોનેરી સૂર્ય ચમકી રહ્યો છે. આ ફોટો દ્વારા અભિનેત્રીએ જણાવ્યું છે કે તે ગર્ભવતી છે કે નહીં.

તમને જણાવી દઈએ કે સામાન્ય રીતે કેટરિનાના જે પણ ફોટા થોડા સમયથી સામે આવે છે, તેમાં અભિનેત્રી કાં તો ઢીલા કપડામાં જોવા મળે છે અથવા તો પોતાના હાથથી પેટ ઢાંકેલી જોવા મળે છે. આ વખતે અભિનેત્રીએ ન તો ઢીલા કપડા પહેર્યા છે અને ન તો 'બેબી બમ્પ' કવર કર્યા છે. આ ફોટો પરથી અભિનેત્રીએ જણાવ્યું છે કે તે પ્રેગ્નન્ટ નથી.

આ પણ વાંચોઃ  કંગના રનૌતે આમિર ખાન પર નિશાન સાધ્યું, આ મામલે કહી દીધું તે 'ગરીબ'