શાહરૂખ ખાનના સમર્થનમાં આવ્યા જાવેદ અખ્તર, કહ્યું- તેમનાથી વધારે ધર્મનિરપેક્ષ કોઈ નથી

જાણીતા ગીતકાર-પટકથા લેખક, જાવેદ અખ્તરે (Javed Akhtar) એક કાર્યક્રમમાં બોલિવૂડ અભિનેતા શાહરૂખ ખાન (Shahrukh Khan)ની પ્રશંસા કરી હતી. એક સાહિત્યિક કાર્યક્રમમાં હાજરી આપતાં તેમણે બૉયકોટ બૉલીવુડ કલ્ચર અને કિંગ ખાન પર ખુલીને વાત કરી હતી. તેમણે કહ્યું કે બોલિવૂડનો બહિષ્કાર કરવાની સંસ્કૃતિ નહીં ચાલે. તેના પર ધ્યાન આપવું યોગ્ય નથી. તેમણે શાહરૂખ ખાનને પણ સપોર્ટ કર્યો હતો.

જાવેદ અખ્તરે કહ્યું, “શાહરૂખ વિશે જે પણ કહેવામાં આવી રહ્યું છે તે બકવાસ છે. તે એક સજ્જન છે. તેમનાથી વધુ બિનસાંપ્રદાયિક કોઈ નથી. મેં તેમના ઘરનું વાતાવરણ જોયું છે, તેઓ કેવી રીતે રહે છે અને વિવિધ તહેવારોમાં કેવી રીતે સામેલ થાય છે." તમને જણાવી દઈએ કે થોડા દિવસો પહેલા શાહરૂખ ખાનની ફિલ્મ પઠાણનું બેશરમ રંગ ગીત રિલીઝ થયું હતું. આ ગીતમાં દીપિકા પાદુકોણ છે. નારંગી રંગની બિકીનીમાં જોવા મળી હતી, જે બાદ ફિલ્મને લઈને વિવાદ શરૂ થયો હતો. ગીતની સાથે સાથે શાહરૂખ ખાનની ફિલ્મ પર પણ પ્રતિબંધ લગાવવાની માંગ કરવામાં આવી હતી. જોકે ઘણા ફેરફારો બાદ આ ફિલ્મને સેન્સર બોર્ડે પાસ કરી હતી.

વિરોધ અને બહિષ્કારની માંગ વચ્ચે, ફિલ્મ રિલીઝ થઈ છે અને બોક્સ ઓફિસ પર જોરદાર કમાણી કરી રહી છે. શાહરૂખ ખાનની પઠાણ સૌથી વધુ ઓપનિંગ ડે વાળી હિન્દી ફિલ્મ બની ગઈ છે. પહેલા દિવસે 57 કરોડનું કલેક્શન કર્યા બાદ ફિલ્મે બીજા દિવસે પણ જબરદસ્ત કલેક્શન કર્યું છે. શરૂઆતના આંકડાઓ અનુસાર ફિલ્મે ગુરુવારે 65 કરોડનો બિઝનેસ કર્યો છે. આ સાથે જ ફિલ્મની કુલ કમાણી 122 કરોડ થઈ ગઈ છે.

આ પણ વાંચો--રાજ્યમાં કોલ્ડ વેવ વચ્ચે માવઠાની આગાહી, આ વિસ્તારમાં પડી શકે વરસાદ