IIFA 2023: આ દિવસે થશે 'IIFA 2023'નું આયોજન, આ સ્ટાર્સ કરશે પરફોર્મન્સ

'ઇન્ટરનેશનલ ઇન્ડિયન ફિલ્મ એકેડમી એવોર્ડ્સ' (IIFA 2023) અબુ ધાબીના યાસ આઇલેન્ડ ખાતે શરૂ થવા જઇ રહ્યો છે. ત્રણ દિવસીય કાર્યક્રમની શરૂઆત 25 મેના રોજ પ્રેસ કોન્ફરન્સથી થશે. IIFA રોક્સના બીજા દિવસે ફિલ્મ નિર્માતા અને કોરિયોગ્રાફર ફરાહ ખાન અને અભિનેતા રાજકુમાર રાવ તેને હોસ્ટ કરતા જોવા મળશે, જ્યારે અમિત ત્રિવેદી, સુખબીર સિંહ, બાદશાહ, સુનિધિ ચૌહાણ અને ન્યુક્લિયા સહિતના સંગીત ઉદ્યોગના કેટલાક મોટા નામો પણ પરફોર્મ કરતા જોવા મળશે.

'IIFA 2023'માં સેલિબ્રેટીઓનો ભરમાળો
અભિષેક બચ્ચન અને વિકી કૌશલ 'IIFA 2023' એવોર્ડ નાઈટનું આયોજન કરશે, જે 27 મેના રોજ યોજાશે. સેરેમનીના ત્રીજા દિવસે સલમાન ખાન, નોરા ફતેહી, કૃતિ સેનન, વરુણ ધવન, જેકલીન ફર્નાન્ડીઝ અને રકુલ પ્રીત સિંહ પરફોર્મ કરતા જોવા મળશે. તાજેતરમાં, IIFA દ્વારા જાહેર કરાયેલ એક Instagram પોસ્ટમાં, આ શોને રાજકુમાર રાવ દ્વારા હોસ્ટ કરવાની પુષ્ટિ કરવામાં આવી હતી.

રાજકુમાર રાવ પણ કરશે હોસ્ટ
'IIFA' વતી રાજકુમાર રાવની તસવીર શેર કરતાં લખ્યું હતું કે, 'બરેલીથી યાસ આઇલેન્ડ (અબુ ધાબી) સુધી. રાજકુમાર રાવ IIFA Rocks 2023 ના હોસ્ટ તરીકે અમારું મનોરંજન કરવા માટે તૈયાર છે. આ અપડેટથી રાજકુમારના ચાહકોનો ઉત્સાહ ખૂબ જ વધી ગયો છે. અભિનેતાને આઈફામાં હોસ્ટ તરીકે જોઈને ચાહકો પોતાની ખુશી વ્યક્ત કરતા જોવા મળે છે.

અભિષેક બચ્ચને ખુશી વ્યક્ત કરી
બીજી તરફ, આઈફા હોસ્ટ કરવા અંગે પોતાની ખુશી વ્યક્ત કરતા અભિષેક બચ્ચને કહ્યું, 'હું યસ આઈલેન્ડ, અબુ ધાબી ખાતે આઈફાની 23મી આવૃત્તિનું આયોજન કરવા માટે ઉત્સાહિત છું. આઈફા મારા માટે પરિવાર જેવું છે. હું મનોરંજન કરવા, ચાહકોને મળવા અને વૈશ્વિક સ્તરે તેમની સાથે જોડાવા માટે આતુર છું.' નોંધનીય છે કે 'IIFA એવોર્ડ્સ 2023' ના નોમિનેશનની જાહેરાત 2022 ના છેલ્લા મહિનામાં કરવામાં આવી હતી.

આ પણ વાંચો : દીપિકા પહેલા રણવીર આ અભિનેત્રીઓને કરી ચૂક્યો છે ડેટ, જુઓ તસવીરો