Anant-Radhika : અનંત-રાધિકાની ક્રૂઝ પાર્ટીમાં 4 દિવસ સુધી ઈટાલીમાં યોજાશે ભવ્ય પાર્ટી

Anant-Radhika : મુકેશ અંબાણીના પુત્ર અનંત અંબાણી અને રાધિકા મર્ચન્ટ જુલાઈમાં લગ્ન કરવાના છે. આ પહેલા બીજી પ્રી-વેડિંગ સેરેમની 28 મેથી 30 મે વચ્ચે થશે. તે ઇટાલી અને ફ્રાન્સ વચ્ચેના સમુદ્રમાં ક્રુઝ પર મુસાફરી કરશે. પ્રથમ પ્રી-વેડિંગ સેરેમની 1 માર્ચથી 3 માર્ચની વચ્ચે થઈ હતી. જામનગરમાં રિલાયન્સ કંપનીનું એનિમલ રેસ્ક્યુ સેન્ટર 'વનતારા'સ્થળ હતું. કહેવાય છે કે આ ઈવેન્ટ પાછળ 1250 કરોડ રૂપિયાનો ખર્ચ કરવામાં આવ્યો હતો. બીજી પ્રી-વેડિંગ (2nd Pre-Wedding)સેરેમની જે ક્રૂઝ પર થશે તેનું નામ 'સેલિબ્રિટી એસેન્ટ' છે તે માલ્ટામાં બનાવવામાં આવે છે. તે 28 મેના રોજ ઇટાલીના પાલેર્મો પોર્ટથી રવાના થશે અને 4380 કિલોમીટરની મુસાફરી કરીને દક્ષિણ ફ્રાન્સ પહોંચશે.

મહેમાનોને 12 વિમાનો દ્વારા ઈટાલી લાવવામાં આવશે

મળતી માહિતી અનુસાર અંબાણી પરિવાર મિયામીથી ક્રુઝનો ઓર્ડર આપવાનો હતો પરંતુ ફ્રાન્સમાં ક્રુઝનું પાર્કિંગ મુશ્કેલ હતું. તેથી હવે મિયામીને બદલે માલ્ટાથી ‘સેલિબ્રિટી એસેન્ટ’ ક્રૂઝનો ઓર્ડર આપવામાં આવ્યો છે. આ ક્રૂઝની પેસેન્જર ક્ષમતા 3279 છે પરંતુ પ્રી-વેડિંગ સેરેમનીમાં 800 મહેમાનો હશે. જેમાંથી 300 વીવીઆઈપી હશે. આ મહેમાનોની સેવા માટે 600 હોસ્પિટાલિટી સ્ટાફ હશે. યુરોપિયન ટૂર ઓપરેટર કંપની એલોચી બ્રધર્સ તેની વ્યવસ્થા સંભાળશે. આ ક્રૂઝ 28મી મેના રોજ ઈટાલીના પાલેર્મો પોર્ટથી તેની યાત્રા શરૂ કરશે. વિશ્વભરમાંથી આ સમારોહમાં આવનાર મહેમાનોને 12 વિમાનો દ્વારા ઈટાલી લાવવામાં આવશે. આ પ્રવાસની જવાબદારી યુરોપિયન ટૂર ઓપરેટર કંપની એલોચી બ્રધર્સને સોંપવામાં આવી છે.

ઈટાલીના પોર્ટોફિનોમાં શાહી લંચ યોજાશે

અંબાણી પરિવાર તેમના 800 મહેમાનો સાથે ઇટાલીના પાલેર્મો શહેરથી પ્રવાસની શરૂઆત કરશે. 2700 વર્ષ પહેલાં સ્થાયી થયેલ પાલેર્મો શહેર સિસિલી ટાપુની રાજધાની છે. આ શહેર ઈટાલીના ઈતિહાસનો મહત્વનો ભાગ છે. તે ઇતિહાસ, સંસ્કૃતિ અને સ્થાપત્ય માટે પ્રખ્યાત છે. 12મી સદીમાં સ્થાયી થયેલા પાલેર્મો શહેરમાં રોયલ કબરો બનાવવામાં આવી હતી. અંબાણી પરિવાર પાલેર્મો શહેર પહેલા સિવિટાવેચિયા પોર્ટ પહોંચશે.

અનંત-રાધિકાનું પ્રી-વેડિંગ ફંક્શન આટલા દિવસો સુધી ચાલશે

અનંત અંબાણી-રાધિકા મર્ચન્ટના બીજા પ્રી-વેડિંગમાં હાજરી આપવા માટે સ્ટાર્સ એરપોર્ટ પર જોવા મળ્યા છે. હાલમાં રણબીર કપૂર-આલિયા ભટ્ટ અને તેમની લાડલી, MS ધોની અને સલમાન ખાન ઉજવણીમાં સામેલ થવા માટે જતા સમયે એરપોર્ટ પર જોવા મળ્યા હતા.દરેક જણ આતુરતાપૂર્વક રાહ જોઈ રહ્યા છે કે કપલ તેમના બીજા પ્રી-વેડિંગની શરૂઆત કરે. મુકેશ અંબાણીના પુત્ર અનંત અંબાણી અને રાધિકા મર્ચન્ટ જુલાઈમાં લગ્ન કરવાના છે. આ પહેલા બીજી પ્રી-વેડિંગ સેરેમની 28 મેથી 30 મે વચ્ચે થશે.

અનંત-રાધિકાના પ્રી-વેડિંગ ફંક્શનની વિગતો

અનંત-રાધિકાના બીજા પ્રી-વેડિંગ ફંક્શન 4 દિવસ સુધી ચાલશે એવી વિગતો બહાર આવી છે. જેમાં 28 મેના રોજ ક્રુઝ પર મહાનુભાવોનું સ્વાગત કરવામાં આવશે. અનંત અંબાણી-રાધિકા મર્ચન્ટના બીજા પ્રી-વેડિંગમાં 29મી મેના રોજ લંચ પાર્ટી, 30મી મેના રોજ ડાન્સ પાર્ટી અને 31મી મે એટલે કે શનિવારના રોજ થીમ હશે 'લા ડોલ્સે વીટા' એટલે કે ડાન્સ-ગાન અને મજા જેમાં ઇટાલિયન સમરનો ડ્રેસ કોડ હશે.

આ પણ  વાંચો - ENTERTAINMENT : આવી રહી ધમાકેદાર વેબ સિરીઝ અને મૂવીઝ, જાણો લિસ્ટ

આ પણ  વાંચો - Laila Khan Murder Mystery: 13 વર્ષ બાદ એક ફાર્મ હાઉસ, સાવકો પિતા અને 6 મોતના રહસ્યો ઉકેલાયા

આ પણ  વાંચો - Bigg Boss વિનર Munawar Faruqui ની તબિયત લથડી, હોસ્પિટલમાં કરાયો દાખલ