વંદે ભારત અને મેટ્રોની સફર મારા માટે ગૌરવની ક્ષણ: PM MODI

વડાપ્રધાનશ્રીએ કહ્યું કે વંદે ભારત ટ્રેન 5 કલાકમાં મુંબઇ પહોંચાડી દેશે. ડબલ એન્જિન સરકારનો લાભ અમદાવાદને મળ્યો છે. તેમણે કહ્યું કે મેટ્રો પર કામ શરુ કર્યું ત્યારે ધ્યાન રખાયું કે જ્યાં ટ્રાન્સપોર્ટની સૌથી વધુ જરુર છે ત્યાંથી મેટ્રો પસાર થાય. કાલપુરમાં આજે મલ્ટિ મોડલ હબ બનાવામાં આવ્યું છે. અમદાવાદ બુલેટ ટ્રેનને પણ વિકસાવાઇ રહી છે. ગુજરાતમાં 850 ઇલેકટ્રીક બસો આપવાનું નક્કી કરાયું છે. ટ્રેનોની ગતિ વધારવાના ગંભીર પ્રયાસો કરાઇ રહ્યા છે. તેમણે કહ્યું કે આજનું ભારત તેજ ગતિ માગે છે. રેલવે નેટવર્ક વંદે ભારત ટ્રેન ચલાવવા તેજીથી તૈયાર છે. જેથી રેલવેની દશા અને દિશા બદલશે. ઓગષ્ટ સુધીમાં દેશમાં 75 વંદે ભારત એકસપ્રેસ ટ્રેન ચલાવવા પર કામ કરાઇ રહ્યું છે.  દેશના  રેલવે નેટવર્કનો મોટો હિસ્સો માનવ રહિત ફાટક છે. 

તેમણે કહ્યું કે પાછલા 8 વર્ષમાં શહેરોના ઇન્ફ્રાસ્ટ્રકચર પર ધ્યાન અપાયું છે. સ્થાયી પ્રગતિનો આધાર મજબૂત ઇન્ફ્રાસ્ટ્રકચર છે. આઝાદીના અમૃતકાળમાં વિકસીત ભારતના નિર્માણ માટે આધુનિક ઇન્ફ્રાસ્ટ્રકચરને વધુ ગતિ આપવી પડશે. મને વિશ્વાસ છે કે સહુના પ્રયાસથી આ કામ થશે. આજનો દિવસ મહત્વનો છે પણ હું ગુજરાતના લોકોને વિનંતી કરું છું અને  હું ચાહુ છું કે ધોરણ 9થી 12ના વિદ્યાર્થી, એન્જિનરીંગના વિધ્યાર્થીઓ રેલવેના અધિકારીઓ સાથે વાત કરી જાણે કે આ રેલવે સ્ટેશન કઇ રીતે બન્યા. આ કામ કેવી રીતે થયું, કઇ ટેકનોલોજીનો ઉપયોગ કરાયો છે. માત્ર સફર ના કરો પણ આ મેટ્રો કેવી રીતે બની છે. ટનલ કેવી રીતે બની છે તે જાણો તો એક વિશ્વાસ આવશે કે ટેકનોલોજીથી દેશ કઇ રીતે આગળ આવશે. યુવાનોને આ જાણ થશે તો આંદોલનોમાં દેશની પ્રોપર્ટીને નુકશાન નહીં કરે. નવી પેઢીની સંવેદનાને જગાડવી જોઇએ. મેટ્રોની સારી વ્યવસ્થા સમજાવવી જોઇએ. મેટ્રો માત્ર સફર નહી પણ સફળતા માટે પણ કામ આવવી જોઇએ. તેમ વડાપ્રધાનશ્રીએ કહ્યું હતું. 

વડાપ્રધાનશ્રીએ કહ્યું કે અમદાવાદને 100-100 સલામ છે. નવરાત્રિ હોય અને આખી રાત દાંડીયા ચાલતા હોય, ગુજરાત ઉંઘુતુ જ ના હોય તેવા દિવસોમાં આટલો મોટો વિરાટ જનસાગર મે પેહલીવાર જોયો છે. સૌથી વધુ આર્થિક રીતે લાભ અમદાવાદીનો પેસેન્જર કરે છે. આજે અમદાવાદે મારુ દિલ જીતી લીધુ તેમ પણ તેમણે કહ્યું હતું.

તેમણે વધુમાં કહ્યું કે 21મી સદીના ભારતને દેશના શહેરોથી નવી ગતિ મળવાની છે. બદલાતી જરુરતોની સાથે શહેરોને નિરંતર આધુનિક બનાવવી જરુરી છે. સીમલેસ કનેક્ટિવીટી હોય, વાહન વ્યવહારને સપોર્ટ કરવું આવશ્યક છે. હું જ્યારે મુખ્યમંત્રી હતો ત્યારે અમે અમદાવાદમાં મલ્ટી મોડલ ટ્રાન્સપોર્ટેશન માટે સમીટ કરી હતી હવે મે આ કરી બતાવ્યું છે. આ વિચાર અત્યારે સાકાર થઇ રહ્યો છે. વિતેલા 8 વર્ષોમાં શહેરોના ઇન્ફ્રાસ્ટ્ચક્ચરમાં રોકાણ કરાઇ રહ્યું છે. શહેરોમાં મેટ્રો શરુ કરાઇ રહી છે. નાના શહેરો એર કનેક્ટિવીટીથી જોડાયા છે. રેલવે સ્ટેશનની સ્થિતી અગાઉ કેવી હતી તે તમે બધા જાણો છો. આજે ગાંધીનગર રેલવે સ્ટેશન કોઇ એરપોર્ટથી ઓછું નથી. બે દિવસ પહેલા કેન્દ્ર સરકારે અમદાવાદ રેલવે સ્ટેશનને આધુનિક બનાવાની સ્વીકૃતી આપી છે. 

વડાપ્રધાનશ્રીએ કહ્યું કે  આવનારા સમયમાં ગુજરાતમાં અનેક ટ્વિન સિટી તૈયાર કરાશે. જુના શહેરમાં સુધારા કરી તેના વિસ્તાર કરી નવા શહેરોનું નિર્માણ કરાશે. 

પૂર્વ-પશ્ચિમથી ઉત્તર-દક્ષિણ કોરિડોર જવા માટેનું સ્ટેશન જૂની હાઇકોર્ટ છે. પૂર્વથી પશ્ચિમ કોરિડોર 21.16 કિલોમીટરનો છે જ્યારે ઉત્તરથી દક્ષિણ કોરિડોર 18.87 કિલોમીટરનો છે. મેટ્રો થલતેજથી વસ્ત્રાલ 40 મિનિટમાં પહોંચશે અને  મેટ્રો થલતેજથી કાલુપુર 20 મિનિટમાં પહોંચશે. મેટ્રોમાં 35 કિલો કરતા વધુના સામાન પર પ્રતિબંધ છે તથા  પાલતુ પ્રાણીઓને મેટ્રોમાં લાવવા પર પ્રતિબંધ છે.