Stock Market: 10 એપ્રિલે બંધ રહેશે શેરબજાર, શું ટ્રમ્પ ટેરિફ છે કારણ?

• રોકાણકારો માટે મહત્વપૂર્ણ સમાચાર
• 10 એપ્રિલે બંધ રહેશે શેરબજાર
• મહાવીર જયંતિ નિમિત્તે જાહેર રજા

Stock Market: સ્થાનિક શેરબજારના રોકાણકારો અને વેપારીઓ માટે એક મહત્વપૂર્ણ સમાચાર સામે આવ્યા છે. આવતીકાલે એટલે કે 10 એપ્રિલ, 2025ના રોજ દેશના બંને મુખ્ય સ્ટોક એક્સચેન્જ BSE અને NSEમાં કોઈ ટ્રેડિંગ થશે નહીં. મહાવીર જયંતિ નિમિત્તે (shri Mahaveer jayanti)આ રજા જાહેર કરવામાં આવી છે.

કોઈપણ પ્રકારનું ટ્રેડિંગ નહીં કરી શકે રોકાણકારો

NSE અને BSEની સત્તાવાર વેબસાઈટ્સ પર જાહેર (stock market holiday)કરાયેલી 2025 માટેની રજાઓની યાદી મુજબ શેરબજારના તમામ મુખ્ય સેગમેન્ટ્સ, ઈક્વિટી, ઇક્વિટી ડેરિવેટિવ્ઝ, ચલણ, સિક્યોરિટીઝ લેન્ડિંગ અને બોરોઇંગ (SLB) અને ઈલેક્ટ્રોનિક ગોલ્ડ રિસિપ્ટ્સ (EGR) આ દિવસે સંપૂર્ણપણે બંધ રહેશે. આનો અર્થ એ થયો કે ન તો સ્ટોકની ખરીદી કે વેચાણ શક્ય બનશે અને ન તો કોઈપણ પ્રકારની ટ્રેડિંગ પ્રવૃત્તિ શક્ય બનશે Trump's 104%

આ પણ  વાંચો -Stock Market: રેપોરેટ ઘટાડા બાદ શેરબજાર લાલ નિશાનમાં બંધ

દેશભરમાં રહેશે રજા

આ રજા સમગ્ર દેશમાં માન્ય રહેશે અને BSE અને NSE સાથે સંકળાયેલા તમામ ટ્રેડિંગ પ્લેટફોર્મ આ દિવસે નિષ્ક્રિય રહેશે. આ દિવસે કોઈપણ પ્રકારના સોદાનું આયોજન કરી રહેલા રોકાણકારો અથવા વેપારીઓએ હવે શુક્રવાર, 11 એપ્રિલ, જ્યારે બજાર ફરીથી સામાન્ય રીતે ખુલશે, ત્યારે તેમની વ્યૂહરચના ફરીથી શેડ્યૂલ કરવી પડશે. ઉલ્લેખનીય છે કે મહાવીર જયંતિ જૈન ધર્મના 24મા તીર્થંકર ભગવાન મહાવીર સ્વામીની જન્મજયંતિ તરીકે ઉજવવામાં આવે છે અને ભારતના ઘણા ભાગોમાં તેને જાહેર રજા તરીકે જાહેર કરવામાં આવે છે. આ ધાર્મિક મહત્વને ધ્યાનમાં રાખીને આ દિવસે બજાર બંધ રાખવાનો નિર્ણય પણ લેવામાં આવ્યો છે.

આ પણ  વાંચો -Gold વેચવું કે ખરીદવું? જાણો ફરી કેમ શરૂ થઇ આ ચર્ચા

શેરબજારની રજાઓ પર જરૂર નજર રાખો

રોકાણકારોને સલાહ આપવામાં આવે છે કે તેઓ શેરબજારની રજાઓની યાદી પર નજર રાખે અને તે મુજબ તેમનો પોર્ટફોલિયો અથવા ટ્રેડિંગ પ્લાન તૈયાર કરે. આ માહિતી ખાસ કરીને એવા રોકાણકારો માટે મહત્વપૂર્ણ છે, જેઓ ડેરિવેટિવ્ઝ અથવા ટૂંકા ગાળાના વેપારમાં સક્રિય છે. જો કે આ એક નિયમિત રજા છે અને 11 એપ્રિલથી બજાર સામાન્ય સમયે ફરી ખુલશે. આવી સ્થિતિમાં, ગભરાવાની જરૂર નથી, પરંતુ ટ્રેડિંગ સંબંધિત તમામ કાર્યો એક દિવસ પહેલા અથવા પછી કરવાની યોજના બનાવો.