સોના અને ચાંદીના ભાવમાં ફરી ઉછાળો,સોનુ પ્રતિ 10 ગ્રામ 60 હજારને પાર

દેશમાં સોના અને ચાંદીના ભાવમાં સતત વધારો થઈ રહ્યો છે અને આજે પણ સોનું અને ચાંદી ઉપલા સ્તરે છે. સોનું 60 હજારની ઉપર અને ચાંદી 75 હજારની ઉપર કારોબાર કરી રહી છે. આજે MCX એટલે કે મલ્ટી કોમોડિટી એક્સચેન્જ પર સોનું 61000ની આસપાસ જઈ રહ્યું છે. આજે સોનામાં 60950ની સર્વોચ્ચ સપાટી જોવા મળી છે. બપોરે1.50 વાગે સોનાની કિંમત પર નજર કરીએ તો તે 60680 રૂપિયા પ્રતિ 10 ગ્રામ પર ટ્રેડ થઈ રહ્યો છે. હાલમાં તેમાં રૂ.170નો વધારો જોવા મળી રહ્યો છે. આજે સોનું રૂ. 60733ના સૌથી નીચા સ્તરે ગયું હતું. સોનાના આ ભાવ તેના મે વાયદા માટે છે.

ચાંદીમાં આજે રૂ.700થી વધુનો ઉછાળો જોવા મળ્યો હતો અને આ સમયે ચાંદી રૂ.651ના ઉછાળા સાથે રૂ.75691 પ્રતિ કિલોના સ્તરે જોવા મળી રહી છે. આજે ચાંદીમાં 75578 રૂપિયાની ઉપલી સપાટી જોવા મળી હતી અને ડાઉનસાઇડ પર ચાંદી 75040 સુધી ઘટી હતી. ચાંદીના આ ભાવ તેના જૂન વાયદા માટે છે.