'Ambani નાં લગ્નમાં બોમ્બ', મુંબઈ પોલીસ સતર્ક, સોશિયલ મીડિયા યુઝરને શોધી રહી છે પોલીસ...
અંબાણી (Ambani) પરિવારમાં અનંત અંબાણી અને રાધિકા મર્ચન્ટના લગ્નની ચર્ચા આખી દુનિયામાં થઈ રહી છે. જો કે આ લગ્ન સમારોહ વચ્ચે બોમ્બની ધમકીના સમાચાર સામે આવ્યા છે. સોશિયલ મીડિયા સાઇટ X પર એક યુઝરે "અંબાણી (Ambani)ના લગ્નમાં બોમ્બ" પોસ્ટ કર્યા બાદ મુંબઈ પોલીસ એલર્ટ મોડમાં આવી ગઈ છે. પોલીસ આ પોસ્ટ સાથે સંબંધિત સોશિયલ મીડિયા યુઝરને શોધી રહી છે.
શું છે સમગ્ર મામલો?
અંબાણી (Ambani) પરિવારમાં લગ્ન સમારોહ દરમિયાન, @FFSFIR, સોશિયલ મીડિયા પર ટિપ્પણી કરતી વખતે, અંબાણી (Ambani)ના લગ્નમાં બોમ્બ શબ્દનો ઉપયોગ કર્યો છે. આ પછી એક યુઝરે મુંબઈ પોલીસને ટેગ કરીને આ વિશે જાણકારી આપી. આ મામલે મુંબઈ પોલીસ એલર્ટ મોડમાં આવી ગઈ છે. પોલીસ આ પોસ્ટ સાથે સંબંધિત સોશિયલ મીડિયા યુઝરને શોધી રહી છે.
પોસ્ટ હજુ કાઢી નથી...
હાલમાં, બંને પોસ્ટ હજુ સુધી ડિલીટ કરવામાં આવી નથી અને સોશિયલ મીડિયા વેબસાઇટ પર જોઈ શકાય છે. મુંબઈ પોલીસ કંટ્રોલ રૂમને આ માહિતી મળ્યા બાદ તેઓએ તરત જ આ મામલાની તપાસ શરૂ કરી હતી. આ સાથે, સુરક્ષાને ધ્યાનમાં રાખીને, મુંબઈના BKC માં Jio વર્લ્ડ સેન્ટરના સુરક્ષા વિભાગને એલર્ટ કરવામાં આવ્યું હતું, અને સ્થાનિક પોલીસ સ્ટેશનને પણ આ વિશે જાણ કરવામાં આવી હતી.
સોશિયલ મીડિયા યુઝરને પકડવાના પ્રયાસ...
હાલ મુંબઈ પોલીસ આ મામલે તપાસ કરી રહી છે અને સોશિયલ મીડિયા યુઝરને શોધી રહી છે. પોલીસને શંકા છે કે આ એક પ્રકારનું હોક્સ ટ્વીટ હોઈ શકે છે. જોકે, હાલ આ સમગ્ર ઘટનામાં કોઈ કેસ નોંધવામાં આવ્યો નથી. તમને જણાવી દઈએ કે આ પહેલા એક યુટ્યુબર અને એક બિઝનેસમેને પણ અનંત અંબાણી (Ambani)ના વેડિંગ વેન્યુમાં પ્રવેશવાનો પ્રયાસ કર્યો હતો અને તે સફળ રહ્યા હતા.
આ પણ વાંચો : Kerala : પાણી માટે ખાડો ખોદી રહી હતી મહિલા પરંતુ મળ્યું કંઇક એવું કે પોલીસ પણ ચોંકી…
આ પણ વાંચો : Delhi : મયુર વિહારમાં કાફે સહિત અનેક દુકાનોમાં લાગી ભીષણ આગ, કોઈ જાનહાનિ નહીં…
આ પણ વાંચો : ‘ભગવાન જગન્નાથે Donald Trump નો જીવ બચાવ્યો’, ઈસ્કોન કોલકાતાના વાઇસ પ્રેસિડેન્ટનો દાવો