ફિલ્મ આદિપુરુષનું નવું પોસ્ટર આજે થયું રિલીઝ, શ્રી રામના અવતારમાં જોવા મળ્યા પ્રભાસ
આજે ભગવાન શ્રી રામની જન્મજયંતિ એટલે કે રામ નવમીનો તહેવાર છે. ત્યારે બાહુબલી ફિલ્મથી બધાનું દિલ જીતનાર સ્ટાર પ્રભાસની ફિલ્મ આદિપુરુષનું પોસ્ટર રિલીઝ કરવામાં આવ્યું છે. આ પોસ્ટરને જોયા બાદ ફેન્સ ખૂબ જ ખુશ દેખાઈ રહ્યા છે. જોકે, આ પહેલા...
આજે ભગવાન શ્રી રામની જન્મજયંતિ એટલે કે રામ નવમીનો તહેવાર છે. ત્યારે બાહુબલી ફિલ્મથી બધાનું દિલ જીતનાર સ્ટાર પ્રભાસની ફિલ્મ આદિપુરુષનું પોસ્ટર રિલીઝ કરવામાં આવ્યું છે. આ પોસ્ટરને જોયા બાદ ફેન્સ ખૂબ જ ખુશ દેખાઈ રહ્યા છે. જોકે, આ પહેલા ફિલ્મનો ટીઝર વીડિયો જોઈને લોકો ગુસ્સે થઈ ગયા હતા, ત્યારે 'આદિપુરુષ'ના આ પોસ્ટરે ચાહકોનું દિલ જીતી લીધું હતું. આ પોસ્ટરમાં તમામ સ્ટાર્સ રામ દરબારના પોઝમાં જોવા મળી રહ્યા છે. ફિલ્મના પોસ્ટરને લઈને લોકો ટ્વિટર પર પ્રતિક્રિયા આપતા જોવા મળી રહ્યા છે.
ફિલ્મનું પોસ્ટર રિલીઝ
આજે, રામ નવમીના શુભ અવસર પર સુપરસ્ટાર પ્રભાસ અને અભિનેત્રી કૃતિ સેનનની ફિલ્મ આદિપુરુષનું નવું પોસ્ટર રિલીઝ કરવામાં આવ્યું છે. ફિલ્મના આ પોસ્ટરમાં રામ દરબારનું દ્રશ્ય દેખાઈ રહ્યું છે. ફિલ્મનું પોસ્ટર સોશિયલ મીડિયા પર ઝડપથી વાયરલ થઈ રહ્યું છે. આદિપુરુષ વર્ષ 2023ની સૌથી વધુ રાહ જોવાતી ફિલ્મોમાંની એક છે. જ્યારથી ફિલ્મનું પહેલું ટીઝર રિલીઝ થયું છે ત્યારથી તે ચર્ચામાં છે. પોસ્ટર રિલીઝ થયાને થોડો સમય થયો છે. પોસ્ટરમાં ભગવાન રામના અવતારમાં પ્રભાસ અને માતા સીતાના રોલમાં કૃતિ સેનનની કેમેસ્ટ્રી ખૂબ જ સુંદર લાગી રહી છે. જંગી બજેટમાં બનેલી ઓમ રાઉતની ફિલ્મ આદિપુરુષનું પોસ્ટર જોઈને દરેકની ઉત્સુકતા વધી ગઈ છે. હવે દર્શકો આ ફિલ્મની રિલીઝની આતુરતાથી રાહ જોઈ રહ્યા છે.
રામ નવમી પર પોસ્ટર રિલીઝ
હાલમાં જ આદિપુરુષનું ટીઝર રિલીઝ થયા બાદ આ ફિલ્મ ખૂબ જ વિવાદમાં આવી હતી. સોશિયલ મીડિયા પર ફિલ્મનો બહિષ્કાર કરવાની આખી ઝુંબેશ પણ શરૂ કરવામાં આવી હતી. આદિપુરુષ ફિલ્મના ટીઝરમાં રાવણ અને હનુમાનના લુકની સરખામણી મુઘલો સાથે કરવામાં આવી હતી. આ જ કારણ છે કે, ફિલ્મની રિલીઝ ડેટ પણ આગળ વધારવામાં આવી હતી. હવે રામ નવમીના શુભ અવસર પર આદિપુરુષનું નવું પોસ્ટર સોશિયલ મીડિયા પર રિલીઝ કરવામાં આવ્યું છે. આ પોસ્ટરમાં રામ દરબારનો સીન ચાહકોને પસંદ આવી રહ્યો છે.
આદિપુરુષ ફિલ્મ ક્યારે રિલીઝ થશે?
બાહુબલી સ્ટાર પ્રભાસ આદિપુરુષ ફિલ્મમાં ભગવાન રામના અવતારમાં જોવા મળશે. વળી આ ફિલ્મમાં બોલિવૂડ એક્ટર સૈફ અલી ખાન વિલન એટલે કે રાવણના રોલમાં જોવા મળશે. આ સાથે, ચાહકો કૃતિ સેનનને મા સીતાના રોલમાં જોવા માટે ખૂબ જ ઉત્સાહિત છે. જણાવી દઈએ કે, આ ફિલ્મ 16 જૂન 2023ના રોજ દુનિયાભરના સિનેમાઘરોમાં રિલીઝ થવા જઈ રહી છે.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Advertisement