The Guardian-ભાજપનું સતત ત્રીજી વખત સત્તામાં આવવું નિશ્ચિત

The Guardian બ્રિટિશ અખબારના લેખમાં દાવો કરવામાં આવ્યો છે કે '2024ની લોકસભા ચૂંટણીમાં પીએમ મોદીને રોકવા લગભગ અશક્ય છે',.

પીટરસન લખે છે કે ત્રણ રાજ્યોની વિધાનસભા ચૂંટણીમાં મળેલા આત્મવિશ્વાસ, પીએમ મોદીની લોકપ્રિયતા અને રામ મંદિરના પ્રાણ પ્રતિષ્ઠા કાર્યક્રમને કારણે ભાજપનું સતત ત્રીજી વખત સત્તામાં આવવું નિશ્ચિત છે અને તેને કોઈ રોકી શકશે નહીં.
યુકે ડેઇલી ન્યૂઝપેપ The Guardian કહે છે કે 2024ની લોકસભા ચૂંટણીમાં પીએમ નરેન્દ્ર મોદી સતત ત્રીજી વખત બીજેપીની જીત મેળવશે. લોકસભાની ચૂંટણીને હવે ગણતરીના મહિનાઓ જ બાકી છે.

તમામ રાજકીય પક્ષો સામાન્ય ચૂંટણીની તૈયારીમાં વ્યસ્ત છે. દરમિયાન, બ્રિટનના અગ્રણી અખબાર The Guardianમાં એક લેખ લખવામાં આવ્યો છે, જે વિરોધ પક્ષોને નિરાશ કરી શકે છે. વાસ્તવમાં, લેખમાં દાવો કરવામાં આવ્યો છે કે 'એક વાત નિશ્ચિત છે કે 2024ની લોકસભા ચૂંટણીમાં ભાજપ સરકાર બનાવશે અને તેને કોઈ રોકી શકશે નહીં.'

'ભાજપને રોકવું લગભગ અશક્ય'
આ લેખ હેન્ના એલિસ પીટરસન દ્વારા લખવામાં આવ્યો હતો. પીટરસન લખે છે કે 'ત્રણ રાજ્યોની વિધાનસભા ચૂંટણીમાં મળેલા આત્મવિશ્વાસ, પીએમ મોદીની લોકપ્રિયતા અને રામ મંદિરના પ્રાણ પ્રતિષ્ઠા કાર્યક્રમને કારણે એ નિશ્ચિત છે કે ભાજપ સતત ત્રીજી વખત સત્તામાં આવશે અને તે તેને રોકવું લગભગ અશક્ય છે. ત્રણ રાજ્યોમાં જીત બાદ ખુદ પીએમ મોદી પણ 2024માં જીતની આગાહી કરતા પોતાને રોકી શક્યા નથી. લેખ અનુસાર, ભારતના વર્તમાન રાજકીય પરિદ્રશ્ય અને રાજકીય વિશ્લેષકો વચ્ચે એક પ્રકારની સહમતિ છે કે પીએમ મોદી અને ભાજપની જીત નિશ્ચિત છે.

'ભાજપના હિન્દુત્વ અને રાષ્ટ્રવાદના એજન્ડાથી મતદારો પ્રભાવિત'
પીટરસન The Guardian માં લખે છે કે 'વડાપ્રધાનની લોકપ્રિયતા અને મજબૂત નેતા તરીકેની તેમની છબી તેમજ ખાસ કરીને ઉત્તર ભારતના હિન્દી પટ્ટામાં ભાજપના હિન્દુ રાષ્ટ્રવાદી એજન્ડાથી મોટી સંખ્યામાં હિન્દુ મતદારો પ્રભાવિત છે. 2014 થી, રાષ્ટ્રીય અને રાજ્ય સ્તરે દેશનો જાહેર અભિપ્રાય મોટાભાગે ભાજપ તરફ નમ્યો છે. લેખમાં લખવામાં આવ્યું છે કે 'ભારતના દક્ષિણ અને પૂર્વમાં વિપક્ષ ભાજપ કરતાં વધુ મજબૂત છે, પરંતુ રાષ્ટ્રીય સ્તરે વિપક્ષ વેરવિખેર અને નબળા દેખાય છે.'

'વિપક્ષી ગઠબંધન હજુ ઘણા મહત્વના મુદ્દાઓ પર એક થવાનું નથી'

The Guardian ના લેખમાં કોંગ્રેસ વિશે લખવામાં આવ્યું છે કે 'તાજેતરની વિધાનસભા ચૂંટણીમાં તેલંગાણામાં ભારતીય રાષ્ટ્રીય કોંગ્રેસનો વિજય થયો છે પરંતુ તે હજુ પણ ત્રણ રાજ્યોમાં સત્તામાં છે અને પાર્ટી આંતરિક કલહથી ઝઝૂમી રહી છે. વિપક્ષી દળોએ ગઠબંધન કરી લીધું છે પરંતુ વિપક્ષી પાર્ટીઓ હજુ પણ ઘણા મહત્વના મુદ્દાઓ પર સહમત નથી. જો કે આ તમામ પાર્ટીઓ ભાજપ સામે એક થઈને લડવાની વાત કરી રહી છે. સામાન્ય લાગણી એ છે કે અત્યારે ભાજપની જીત નિશ્ચિત જણાય છે.