કોવેક્સીન અને કોવિશીલ્ડ રસી લેનારા લોકો હવે લગાવી શકશે Corbevax Vaccineનો બૂસ્ટર ડોઝ

ભારત સરકારના અધિકૃત સૂત્રોએ માહિતી આપી છે કે જૈવિક 'ઇ કોર્બેવેક્સ બૂસ્ટર શોટ' હવે 18 વર્ષથી વધુ ઉંમરના એ લોકો માટે ઉપલબ્ધ છે જે કોવેક્સિન અથવા કોવિશિલ્ડનો ડોઝ લઇ ચુક્યા  છે. ભારત સરકારે E-Corbevax બૂસ્ટર શોટને મંજૂરી આપી છે. આવી સ્થિતિમાં જે લોકોને Covaxin અથવા Covishield લગાવી ચુક્યા છે તેઓ Corbevax બૂસ્ટર ડોઝ મેળવી શકે છે.

બીજી તરફ  કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા રિપોર્ટ અનુસાર, છેલ્લા 24 કલાકમાં દેશમાં કોરોના સંક્રમિતના 16,047 નવા કેસ નોંધાયા છે. આ સાથે, સક્રિય કેસોની સંખ્યા વધીને 1,28,261 થઈ ગઈ છે. નવા આંકડા અનુસાર, છેલ્લા 24 કલાકમાં કોવિડમાંથી સાજા થયેલા લોકોની સંખ્યા 19,539 છે. જો ગઈકાલની સરખામણીમાં સંક્રમિતોની સંખ્યા જોઈએ તો 9મી ઓગસ્ટે દેશમાં સંક્રમિતના 12,751 કેસ નોંધાયા હતા. તેના એક દિવસ પહેલા એટલે કે 8 ઓગસ્ટે 16167 નવા કેસ નોંધાયા હતા. 7 ઓગસ્ટે 18,738 નવા કેસ, 6 ઓગસ્ટે 19,406 નવા કેસ, 4 ઓગસ્ટે 19,893 નવા કેસ અને 3 ઓગસ્ટના રોજ 17,135 નવા કેસ નોંધાયા છે.

આ સાથે કેન્દ્ર સરકારે લોકોને રસીકરણ કરાવી લેવાનો આગ્રહ કર્યો છે. કેન્દ્રએ રાજ્યોને સંક્રમિત વ્યક્તિઓની સારવાર માટે યોગ્ય વ્યવસ્થા કરવા સૂચનાઓ સાથે સારવારની સમગ્ર પ્રક્રિયાને અનુસરવા જણાવ્યું છે. તાજેતરમાં, કેન્દ્રીય આરોગ્ય મંત્રાલયે રાજ્યોને એક પત્ર જારી કરીને કહ્યું હતું કે રાજ્યોએ જીનોમ સિક્વન્સિંગ માટે તમામ શંકાસ્પદ વ્યક્તિઓના એકત્રિત નમૂના મોકલવા જોઈએ. કોવિડનો સામનો કરવા માટે દેશમાં કોઈ સંસાધનોની અછત નથી, રાજ્યોએ તેનો પૂરેપૂરો ઉપયોગ કરવો જોઈએ.