કેન્દ્રીય વિદ્યાલયની ડાયમંડ જયુબિલી-વડાપ્રધાનની શુભેચ્છાઓ

પ્રધાનમંત્રી શ્રી નરેન્દ્ર મોદીએ કેન્દ્રીય વિદ્યાલયના વિદ્યાર્થીઓ, સ્ટાફ, સહાયક સ્ટાફ અને ભૂતપૂર્વ વિદ્યાર્થીઓને તેની ડાયમંડ જ્યુબિલી નિમિત્તે શુભેચ્છાઓ પાઠવી છે.

પ્રધાનમંત્રીએ X પર પોસ્ટ કર્યું: “તમામ વિદ્યાર્થીઓ, સ્ટાફ, સહાયક સ્ટાફ અને કેન્દ્રીય વિદ્યાલય પરિવારના ભૂતપૂર્વ વિદ્યાર્થીઓને તેમની ડાયમંડ જ્યુબિલી પર શુભેચ્છાઓ! આ પ્રતિષ્ઠિત શૈક્ષણિક સમુદાયની નોંધપાત્ર સિદ્ધિઓની ઉજવણી અને પ્રશંસા કરવાનો પ્રસંગ છે. વર્ષોથી, કેન્દ્રીય વિદ્યાલયોએ ઘણા વિદ્યાર્થીઓને ગુણવત્તાયુક્ત શિક્ષણ આપીને આપણા રાષ્ટ્રના ભાવિને ઘડવામાં મહત્ત્વની ભૂમિકા ભજવી છે. શૈક્ષણિક શ્રેષ્ઠતા અને વિદ્યાર્થીઓના સર્વાંગી વિકાસમાં તેમનું યોગદાન ખરેખર પ્રશંસનીય છે.”