English બોલ્યા તો ખૈર નથી, આ દેશમાં લાગી શકે છે પ્રતિબંધ

ઈટાલીના વડાપ્રધાન જ્યોર્જિયા મેલોનીએ બ્રિટન અને અમેરિકાને મોટો ઝટકો આપ્યો છે. વડાપ્રધાન મેલોનીની 'બ્રધર્સ ઓફ ઈટાલી' પાર્ટીએ સંસદમાં નવો કાયદો રજૂ કર્યો છે. આ કાયદા અનુસાર, લોકો તેમના દેશમાં સત્તાવાર દસ્તાવેજોમાં કોઈપણ વિદેશી ભાષાનો ઉપયોગ કરી શકશે નહીં. એવું માનવામાં આવે છે કે દેશમાં અંગ્રેજીના વધી રહેલા ઉપયોગને રોકવા માટે પાર્ટીને આવો કાયદો લાવવાની ફરજ પડી છે. એટલું જ નહીં, જો કોઈ જાહેર કે ખાનગી સંસ્થા અંગ્રેજીનો ઉપયોગ કરતી જોવા મળે તો તેને એક લાખ યુરો એટલે કે 1,08,705 યુએસ ડોલર સુધીનો દંડ થઈ શકે છે. જણાવી દઇએ કે, અંગ્રેજી એ બ્રિટન અને અમેરિકામાં બોલાતી મુખ્ય ભાષા છે. ઈટલીના લોઅર હાઉસના નેતા ફેબિયો રેમ્પેલીએ આ કાયદો રજૂ કર્યો છે. વડાપ્રધાન મેલોનીએ તેને સંપૂર્ણ સમર્થન આપ્યું છે.