પાકિસ્તાનનો આ મહાન બોલર હવે ફિલ્મ ઈન્ડસ્ટ્રીમાં કરશે એન્ટ્રી

પાકિસ્તાનનો પૂર્વ ક્રિકેટર વસીમ અકરમ મની બેક ગેરંટી સાથે અભિનય ક્ષેત્રે ઝંપલાવી રહ્યો છે. આ ફિલ્મમાં વસીમ અકરમની પત્ની શનૈરા અકરમ પણ ડેબ્યૂ કરી રહી છે. આ ફિલ્મ 21 એપ્રિલે રિલીઝ થઈ રહી છે. આ પહેલા તેણે એક ઈન્ટરવ્યુ દરમિયાન ઘણા મુદ્દાઓ પર વાત કરી હતી. વસીમ અકરમની આ ફિલ્મ રાજકીય વ્યંગ છે. ફિલ્મ સ્ટાર્સ ફવાદ ખાન, હિના દિલપઝીર, અલી સફીના, શયાન ખાન જેવા એક્ટર છે. વસીમે જણાવ્યું કે, કેવી રીતે તેણે અને તેની પત્નીએ ફિલ્મોમાં એન્ટ્રી લીધી. તેટલું જ નહીં તેઓ પાકિસ્તાનમાં જાવેદ અખ્તરની ટિપ્પણી પર પણ બોલ્યા હતા.

પાકિસ્તાનના ભૂતપૂર્વ ક્રિકેટર વસીમ અકરમ હવે મની બેક ગેરંટી ફિલ્મમાં જોવા મળશે. મીડિયા સાથેની વાતચીત દરમિયાન તેમણે જણાવ્યું કે, તે કેવી રીતે ફિલ્મોમાં આવ્યા. તેમને પૂછવામાં આવ્યું કે, શું બંનેએ એકબીજાને પુશ કર્યા હતા? તેમના પર વસીમ અકરમ જવાબ આપે છે, ના. ફૈઝલ ​​ખૂબ જ પ્રતિભાશાળી દિગ્દર્શક છે. મેં તેની સાથે પાકિસ્તાનમાં એક મોબાઈલ કંપનીમાં પણ કામ કર્યું છે. એક દિવસ અચાનક તેનો ફોન આવ્યો અને કહ્યું કે તે એક ફિલ્મ બનાવી રહ્યો છે. મેં કહ્યું, સરસ. તેણે કહ્યું કે મારા માટે તેની પાસે ખાસ ભૂમિકા છે. મેં કહ્યું, હું એક્ટર નથી. તેના પર તેણે કહ્યું કે હું ઘણા વર્ષોથી જાણું છું કે તમને એક્ટિંગ ગમે છે. તેણે મારો પાર્ટ વાંચીને સંભળાવ્યો. કહ્યું કે 9 થી 10 દિવસ લાગશે અને બાકીના કલાકારો વિશે પણ જણાવ્યું. આ ફિલ્મમાં મારી સૌથી મોટી સુપરસ્ટાર શનૈરા પણ હતી. શનૈરા કહે છે કે તેણે મને સ્ક્રિપ્ટ વિશે થોડું કહ્યું, તેથી મેં વિચાર્યું કે ચાલો સાથે કરીએ. તેથી અમે તે કરી લીધું.

વસીમ અકરમે જાવેદ અખ્તરની એક ટિપ્પણી પર થયેલા તાજેતરના વિવાદ પર પણ વાત કરી હતી. વસીમને પૂછવામાં આવ્યું કે, 26/11ના આતંકી હુમલા પર તેમણે જે કહ્યું તે પાકિસ્તાન અને ભારતમાં અલગ રીતે લેવામાં આવ્યું છે. આ અંગે વસીમ શું વિચારે છે? આના પર તેમણે જવાબ આપ્યો, હું રાજકીય વિષયો પર જવાબ આપવા માંગતો નથી કારણ કે હું અહીં ફિલ્મના પ્રમોશન માટે આવ્યો છું. જો મને બીજા દેશમાં બોલાવવામાં આવ્યો હોત, તો મેં માત્ર હકારાત્મક વાતો જ કરી હોત. ભારતીય ક્રિકેટરોમાં વસીમે વિરાટ કોહલીની પ્રશંસા કરી હતી. તેમણે કહ્યું કે તે એક મહાન ખેલાડી છે. વસીમને વિરાટનું નેતૃત્વ પસંદ છે.

આ પણ વાંચો :  UP STF એ ઝાંસીમાં ASAD AHEMAD અને ગુલામને કર્યાં ઠાર, ઉમેશ પાલ હત્યા કેસમાં હતા ફરાર

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ