સાસુને પદ્મ ભૂષણ મળતાં આ દેશના PM બન્યા ભાવુક, કહ્યું ગર્વનો દિવસ...!

લેખિકા અને સામાજિક કાર્યકર સુધા મૂર્તિ (Sudha Murthy)ને તાજેતરમાં તેમના સામાજિક કાર્ય માટે રાષ્ટ્રપતિ દ્રૌપદી મૂર્મુ દ્વારા પદ્મ ભૂષણથી નવાજવામાં આવ્યા હતા. સુધા મૂર્તિની પુત્રી અને યુકેના વડા પ્રધાન ઋષિ સુનકના પત્નિ અક્ષતા મૂર્તિ પણ આ સમારોહમાં હાજર લોકોમાં સામેલ હતા. અક્ષતા મૂર્તિએ ઇન્સ્ટાગ્રામ પર પોતાની માતાના અકથનીય ગૌરવની ક્ષણો શેર કરી હતી. આ પોસ્ટ પર બ્રિટનના પીએમ ઋષિ સુનકે પણ પ્રતિક્રિયા આપીને કહ્યું કે આ ગર્વનો દિવસ છે...

અક્ષતા મૂર્તિએ ઇન્સ્ટાગ્રામ પર લખ્યું, "ગઈકાલે મેં અકથનિય ગર્વ સાથે જોયું કારણ કે મારી માતાને સામાજિક કાર્યમાં યોગદાન બદલ ભારતના રાષ્ટ્રપતિ તરફથી પદ્મ ભૂષણ એવોર્ડ મળ્યો હતો." બ્રિટનની ફર્સ્ટ લેડીએ દાવો કર્યો હતો કે તેમની માતાએ અદ્ભુત પ્રવાસ કર્યો છે. સાક્ષરતા વધારવા માટે વિવિધ કાર્યક્રમોનું આયોજન કરવા અને કુદરતી આફતો પછી દેશના દૂરના વિસ્તારોમાં રહેતા લોકોને તાત્કાલિક રાહત અને મદદ પૂરી પાડવા તેમની માતાએ તત્કાળ રાહત અને મદદ કરી હતી.