કોંગ્રેસ અધ્યક્ષ બાદ પ્રિયંકા ગાંધી પણ કોરોનાગ્રસ્ત

ગુરુવારે, સોનિયા ગાંધી કોવિડ પોઝિટિવ થયા બાદ પ્રિયંકા ગાંધી તેમની લખનૌની મુલાકાતને ટૂંકી કરી દીધી હતી અને દિલ્હી પરત ફર્યા હતા. જોકે, આ સમયપત્રકમાં અચાનક થયેલા આ ફેરફાર માટે કોઇ કારણ આપવામાં આવ્યું નથી. લખનૌમાં બે દિવસીય બેઠકમાં ઉત્તર પ્રદેશમાં પાર્ટીના પુનરુત્થાનની વ્યૂહરચના અંગે ચર્ચા કરવામાં આવવાની હતી. મહત્વનું છે કે, કોંગ્રેસ અધ્યક્ષ સોનિયા ગાંધીને બુધવારે સાંજે હળવો તાવ આવ્યો હતો અને ગુરુવારે તેમનો કોવિડ ટેસ્ટ કરવામાં આવ્યો હતો. તેઓ પોઝિટિવ મળી આવ્યા હતા. જે પછી તેમને પોતાને ક્વોરન્ટિન કરી દીધા હતા. કોંગ્રેસના સૂત્રોના જણાવ્યા અનુસાર, પાર્ટીના સંગઠન મહાસચિવ કેસી વેણુગોપાલ પણ કોરોના વાયરસથી સંક્રમિત છે.