અભિનેત્રી અમીષા પટેલની મુશ્કેલીઓ વધી, રાંચીની કોર્ટે જારી કર્યું વોરંટ

ગદર-2 ની સકીના હાલમાં એક મોટી મુસિબતમાં આવી ગઇ હોવાના અહેવાલ મળી રહ્યા છે. તેના પર અજય કુમાર સિંહ ઝારખંડના ફિલ્મ પ્રોડ્યુસરે છેતરપિંડી, ધાકધમકી અને ચેક બાઉન્સનો કેસ દાખલ કર્યો છે. બીજી તરફ સમન્સ છતાં અનીષાએ કોર્ટ સમક્ષ પોતાનો પક્ષ રજૂ ન કરવા બદલ કોર્ટે નારાજગી વ્યક્ત કરી હતી. મળતી માહિતી મુજબ, સમન્સ જારી થવા છતાં અમીષા કે તેના વકીલ કોર્ટમાં હાજર થયા ન હોતા. આ મામલે આગામી સુનાવણી 15 એપ્રિલના રોજ નક્કી કરવામાં આવી છે. અમીષા પટેલ વિરુદ્ધ CrPCની કલમ 420 અને 120 હેઠળ કેસ નોંધવામાં આવ્યો છે. આ મામલાની આગામી સુનાવણી 15 એપ્રિલે થશે. ફરિયાદી અજય કુમાર સિંહનું કહેવું છે કે અભિનેત્રી અને તેના બિઝનેસ પાર્ટનરએ દેશી મેજિક ફિલ્મ બનાવવા અને પ્રમોટ કરવા માટે તેમની પાસેથી 2.5 કરોડ રૂપિયા લીધા હતા.