લો બોલો, હવે તો મુસ્લિમ દંપતિ ગૌરક્ષક બન્યું, વાંચો અહેવાલ
ગૌ હત્યાનો ગુજરાતમાં કડક કાયદો (Cow Slaughter Act Gujarat) બન્યો હોવાનો લાભ કેટલાક અસામાજિક તત્વો બેફામ લઈ રહ્યાં છે. પશુ પરિવહન (Animal Transport) કરતા અનેક ટ્રાન્સપોર્ટર તેમનો શિકાર પણ બને છે. રાજ્યભરમાં હિન્દુત્વ (Hindutva) ના નામે ગૌરક્ષકો (Cow Guard) બનીને ફરતા કેટલાંક કપટી તત્વો (Insidious Elements) પોલીસ અને તંત્રની મીલીભગતથી મોટાપાયે લૂંટ (Loot) ખંડણી (Extortion) અને હપ્તા રેકેટ (Bribery Racket) ચલાવી રહ્યાં છે. અમદાવાદ શહેરના છેવાડે બનેલી એક ઘટનાએ બનાવટી ગૌરક્ષકોની પોલ ઉઘાડી પાડી છે. આ મામલે અમદાવાદ શહેરમાં ચાંદખેડા પોલીસ સ્ટેશન (Chandkheda Police Station Ahmedabad City) ના ચોપડે ફરિયાદ નોંધાઈ છે. હિન્દુ ગૌરક્ષકો તો આપે અનેક જોયા-જાણ્યા હશે, પરંતુ મુસ્લિમ ગૌરક્ષકના સમાચાર કદાચ આપ પહેલીવાર વાંચશો.
શું છે ફરિયાદ
રાજસ્થાનના જાલોર (Jalore Rajasthan) જિલ્લાના સાબીરખાન સિંધેએ ચાંદખેડા પોલીસ સ્ટેશન ખાતે એક મહિલા સહિત ચાર શખ્સો સામે FIR નોંધાવી છે. ફરિયાદ અનુસાર સાબીરખાન ટ્રકમાં 170 જેટલાં ઘેટા-બકરા લઈને અમદાવાદ રાણીબ બકરા મંડી ખાતે વેપાર અર્થે આવી રહ્યાં હતા. ફરિયાદ અનુસાર તેમની પાસે ઘેટા-બકરાના પરિવહનનું લાયસન્સ પણ હતું. ગત શનિવારે વહેલી પરોઢના પાંચ વાગે ચાંદખેડા-ઝુંડાલ સર્કલ (Chandkheda Zundal Circle) ખાતે સાબીરખાન પહોંચ્યા ત્યારે એક એક્ટિવા ચાલકે ટ્રકને રોકી હતી. નજીક રહેલી એક કારમાં બેસેલી એક મહિલા અને બે પુરૂષો પૈકી ટી-શર્ટ પહેરેલો એક શખ્સ સાબીરખાન પાસે આવ્યો અને 'અમે ગૌરક્ષક છીએ. તમારી ગાડીમાં ગેરકાયદેસર ઘેટા-બકરા લઈ જાઓ છે.' તેમ કહી ગાળો બોલી સાબીરખાનને ટ્રકમાંથી નીચે ઉતરાવાનો પ્રયાસ કરવા લાગ્યો હતો. ત્યારબાદ કારમાંથી ઉતરેલી મહિલાએ પણ 'અમો ગૌરક્ષક છીએ. તમારી ગાડીમાં તમે ગેરકાયદેસર રીતે પશુઓ કતલખાને લઈ જાઓ છો. અમે તમારા પર ખોટો કેસ કરીને અંદર કરાવી દઈશું' તેમ કહી ધમકાવ્યા હતા અને 'અહીંથી જવું હોય તો ઓળખીતાને બોલાવી 5 લાખ રૂપિયા આપી દો.' દરમિયાનમાં એક શખ્સે ટ્રકની કેબિનમાં ચઢી જઈ ચાવી કાઢી લઈ સાબીરખાનને બળજબરીથી નીચે ઉતાર્યા હતા. ટ્રક ડ્રાઈવરને જાનથી મારી નાંખવાની ધમકી આપતા સાબીરખાને તુરંત રૂપિયા 25 હજાર જેટલી રકમ તે શખ્સને આપી દીધી હતી. ફરિયાદમાં આરોપીઓ તરીકે આબેદામેમ (Aabeda) સાબીર શેખ (Sabir Shaikh) ઉજેફા તિરમીઝી (Ujefa Tirmizi) અને અજાણ્યા શખ્સનો ઉલ્લેખ કરાયો છે. પોલીસે આરોપી સામે લૂંટ, માર મારવો, ગાળો તેમજ જાનથી મારી નાંખવાની ધમકી આપવાની કલમ હેઠળ 24 કલાક બાદ FIR નોંધી છે.કેમ નામ સાથે નોંધાઈ FIR
રાજસ્થાનમાં ઘેટા-બકરા ઉછેરી અમદાવાદમાં દર મહિને ટ્રકમાં વેચાણ માટે લાવતા સાબીરખાનની ફરિયાદમાં આરોપીઓના નામ કેવી રીતે આવ્યા તે એક મોટો સવાલ છે. ગત શનિવારે વહેલી પરોઢના બનેલી ઘટના દરમિયાન આરોપીઓ એકબીજાને નામથી બોલવતા હોવાનો ફરિયાદમાં ઉલ્લેખ કરી રહ્યાં છે. મહિલા સાથે આવેલા શખસો તેમને આબેદામેમ કહીને સંબોધતા હતા. આબેદામેમ નામની મહિલાએ તેમની સાથે આવેલા ત્રણ શક્સો પૈકી એકનો પરિચય પતિ સાબીર શેખ તરીકે આપતો હતો. જ્યારે ડ્રાઈવર સાબીરખાનને ટ્રકમાંથી નીચે ઉતારી જાનથી મારી નાંખવાની ધમકી આપનાર શખ્સને તેના સાથીઓ ઉજેફા તિરમીઝી કહીને બોલાવતા હતા. સૂત્રો પાસેથી મળેલી માહિતી અનુસાર આબેદા અને તેનો પતિ સાબીરે કરોડોની જમીનના વિવાદમાં ચાંદખેડા પોલીસને બદનામ કરવાનો કારસો રચ્યો હતો.