છોટાઉદેપુર પોલીસના અમાનુષી અત્યાચારનો દર્દનાક કિસ્સો...વાંચો..!

ગત 6 નવેમ્બરે જબુગામ ખાતે પાંચ માસ પહેલાં દલાજી વણઝારાની 50 લાખની ખંડણી માગવાના મુદ્દે હત્યા કરવામાં આવી હતી. આ બનાવમાં એલસીબીએ ફરિયાદી અને તેના સગીર પુત્રની પુછપરછ કરી હતી પણ બાપ દિકરાએ પોતાનો ગુનો કબુલ ના કરતાં પોલીસે તેમની ધરપકડ કરીને સાથે લઇ ગઇ હતી. ત્યારબાદ પોલીસવાળા બાપ દીકરા પર રીતસર તૂટી પડ્યા હતા. જેમાં સગીરને ગંભીર ઇજા પહોંચી હતી. પરિવારે આરોપ લગાવ્યો હતો કે તેમના 10માં ધોરણમાં ભણતા પુત્રને પોલીસે કરંટ આપ્યો હતો. પોલીસના અમાનુષી અત્યાચારથી સગીરને પેરાલિસીસ થઇ ગયો હોવાનો આરોપ પણ પરિવારે લગાવ્યો હતો.

છોટાઉદેપુરમાં થયેલ હત્યાનો ભેદ ઉકેલવા પોલીસ દ્વારા ધોરણ દસના વિધાર્થીને માર મરાતા તેમજ કરંટ અપાતા વિધાર્થીની હાલત જીવતી લાશ જેવી બની છે.આ કેસમાં કસૂરવાર પોલીસ કર્મચારીઓ વિરુદ્ધ સી.આઈ.ડી. ક્રાઇમ ગાંધીનગર દ્વારા તપાસ શરૂ કરતા કસૂરવાર પોલીસ કર્મચારીઓ દ્વારા ધમકીઓ અપાતી હોવાનું જણાવી પીડિત વિધાર્થી અને પરિવારે વડોદરા આઈ.જી.ને રજુઆત કરી ન્યાયની માંગણી કરી છે

આ કેસમાં જુવેનાઈલ કોર્ટમાં ફરિયાદ કરાતા કોર્ટે છોટાઉદેપુર જિલ્લા પોલીસવડા અને એલસીબી પીઆઈ સહિત ૧૫ સામે ગુનો નોંધી સીઆઈડી ક્રાઈમ ગાંધીનગરને તપાસ સોંપવા આદેશ કર્યો હતો. કોર્ટના આદેશના પગલે પોલીસ બેડામાં ખળભળાટ મચી ગયો છે. પોલીસના મારના કારણે સગીરની હાલત ગંભીર થઇ ગઇ છે અને તે પાણી પણ પી શક્તો નથી અને જીવતી લાશ બની ગયો છે.

પોલીસ દ્વારા જ ધમકી મળતાં આખરે ન્યાય માટે પીડિત પરિવાર આઇજી કચેરીએ પહોંચ્યો હતો અને પરિવારે વડોદરા આઈજી સંદીપ સિંગને રજૂઆત કરી હતી

પોલીસના અત્યાચારના કારણે સગીરની હાલત કથળી જતાં તેને વડોદરાની ખાનગી હોસ્પિટલમાં સારવાર આપવામાં આવી રહી છે. પોલીસના મારના કારણે ધોરણ 10ના વિદ્યાર્થીની કારકિર્દી અને ભવિષ્ય સામે સવાલો ઉભા થયા છે. હાલ તો તે અન્યોના સહારે જીવવા મજબૂર થયો છે ત્યારે સમગ્ર કેસમાં ન્યાય મળે તે માટે પીડિતના પરિવારે રજૂઆતો કરી છે.

આ પણ વાંચો---વાંચો, યોગીના મરદમુછાળા એન્કાઉન્ટર સ્પેશ્યાલિસ્ટ વિશે, જેની ચર્ચા દેશભરમાં છે