કામ જોયા બાદ જ કોન્ટ્રાક્ટરને ચુકવણું કરાશે, સારા રસ્તા બને તે માટે AMCનો આદેશ

શહેરમાં રોડ રસ્તા પાછળ કરોડો રૂપિયા પાણીની જેમ અમદાવાદ મ્યુનિસિપલ કોર્પોરેશન ખર્ચે છે ત્યારે મોડા મોડા પણ તંત્રની આંખો ખુલી છે અને હવે પછી શહેરમાં નવા બનતા રોડની ગુણવત્તાનું ધોરણ તપસ્યા બાદ અને કેટલું કામ રોડ બનવાનું પૂર્ણ થયું છે તે જોઈને જ રોડ કોન્ટ્રાકટરને પૈસા ચુકવામાં આવશે. શહેરમાં બનેલા ઘણા ખરા રસ્તાની હાલત બનતાની સાથે જ ખખડધજ થઇ જાય છે ત્યારે મોડા મોડા પણ અમદાવાદ મ્યુનિસિપલ કોર્પોરેશનના કમિશ્નરે આદેશ કર્યો છે કે, કામ જોયા બાદ જ કોન્ટ્રાકટર ને પેમેન્ટ આપવામાં આવશે.

તેમાં ગુણવત્તાના ધોરણો યોગ્ય જળવાઇ રહે તે માટે ચોક્કસ ફોર્મેટમાં ફોર્મ ભરવાનું રહેશે માટે કમિશનર દ્વારા તાજેતરમાં જ આદેશ આપવામાં આવ્યો હતો. જેમાં રોડ પરના થરની જાડાઈ, ડામર કેટલો ગરમ છે? તેની લેબોરેટરી ચેકઅપ સહિત અનેક બાબતોનો સમાવેશ થતો હતો.

મ્યુનિસિપલ કોર્પોરેશન દ્વારા સામાન્ય રીતે પ્રતિવર્ષ રસ્તાઓ બનાવવા અને તેને રિપેર કરવા પાછળ 400 કરોડ કે તેથી વધારે ખર્ચ કરવામાં આવે છે. જોકે ચાલુ વર્ષે મ્યુનિસિપલ કોર્પોરેશન દ્વારા રસ્તાઓ બનાવવા તથા અન્ય પાછળ પ્રથમ છ મહિનામાં માંડ 96 કરોડ જેટલો ખર્ચ કરાયો છે. બીજી તરફ શહેરમાં બનતાં રસ્તાઓની ગુણવત્તા બાબતે અનેક ફરિયાદો ઉઠે છે. 2017માં મોટી સંખ્યામાં શહેરના રસ્તાઓ તૂટી ગયા બાદ મામલે કેટલાક એન્જીનિયર સામે પગલાં પણ લેવામાં આવ્યા હતા.

આ પણ વાંચો - હર્ષ સંઘવીની આવકમાં 721 ટકાનો વધારો..! જાણો અન્ય નેતાઓની આવકમાં કેટલો થયો વધારો-ઘટાડો