પ્રમુખ સ્વામી મહારાજ શતાબ્દી મહોત્સવમાં આવનારા હરિભક્તો માટે AMCનો મહત્વપૂર્ણ નિર્ણય

અમદાવાદ મ્યુનિસિપલ કોર્પોરેશનની આજે સ્ટેન્ડિંગ કમિટિની બેઠક મળી હતી. જેમાં મહત્વપૂર્ણ નિર્ણય લેવાયા છે. જેમાં આવાસના મકાનોના બાકી હપ્તા નહી ભરનાર લાભાર્થીઓને નોટિસ પાઠવાશે. તેમજ એ સિવાય અમદાવાદમાં પ્રમુખ સ્વામી મહારાજના શતાબ્દી મહોત્સવમાં આવનારા હરિભક્તોને રહેવાની વ્યવસ્થા થઈ શકે તે માટે પણ નિર્ણય લેવામાં આવ્યો છે.

આગામી 15 ડિસેમ્બરથી 15 જાન્યુઆરી સુધી અમદાવાદમાં પ્રમુખ સ્વામી શતાબ્દી મહોત્સવની ઉજવણી થવાની છે ત્યારે અમદાવાદ મહાનગરપાલિકા દ્વારા આ મહોત્સવમાં આવનાર સ્વયંસેવકો અને હરિભક્તો માટે ખાલી મકાનો હંગામી ધોરણે આપવાનો નિર્ણય કરવામાં આવ્યો છે. કોર્પોરેશનની સ્ટેન્ડિંગ કમિટીની બેઠકમાં આ મહત્વનો નિર્ણય કરવામાં આવ્યો છે.

હરિભક્તો માટે રહેવાની વ્યવસ્થા
જણાવી દઈએ કે, શતાબ્દી મહોત્સવમાં મોટી સંખ્યામાં સ્વયંસેવકો આવ્યા છે ત્યારે તેમના રહેવા જમવાની વ્યવસ્થા થઈ શકે તે માટે કોર્પોરેશને આ નિર્ણય કર્યો છે. કોર્પોરેશનના 1000 જેટલા મકાનો તૈયાર થઈ ચૂક્યા છે અને જેનો ડ્રો હજુ બાકી છે તેવા મકાનો હરિભક્તો અને સ્વયંસેવકોને હંગામી ધોરણે રહેવા અપાશે.

આ સિવાય સ્ટેન્ડિંગ કમિટીમાં ગરીબ અને મધ્યમ વર્ગના લોકો માટે અમદાવાદ મ્યુનિસિપલ કોર્પોરેશન દ્વારા આવાસના મકાનો નજીવા ભાવમાં બનાવી લોકોના ઘરના ઘરનું સ્વપ્નું પૂરું કરવા કરોડો રૂપિયા ખર્ચી આવાસ બનાવામાં આવે છે. તેમ છત્તા 5000થી પણ વધુ લોકો એવા છે જેમને ઘરનો ડ્રો થઇ ગયો છતા હજુ ઘરના હપ્તા ભર્યા નથી. ઘરનું પઝેશન આપી દીધું હોવા છતા 2 હપ્તા બાદ પણ કોઈ પૈસા ભર્યા નથી તેવા લોકોને AMC દ્વારા નોટિસ આપવામાં આવશે. આશરે 4 કરોડથી પણ વધુ રકમ AMC વિભાગે ઘર ફાળવી દીધા બાદ વસૂલવાની બાકી છે. આજે મળેલી સ્ટેન્ડિગ કમિટીની બેઠકમાં મહત્વનો નિર્ણય લેવાયો છે કે, આવા તમામ ઘર ધારકો પાસેથી પૈસા વસુલવામાં આવશે જો વધુ ના હપ્તા કોઈ નહિ ભારે તો ઘર બીજાને ફાળવી દેવામાં આવશે.

આ પણ વાંચો - અમદાવાદમાં એકબીજાને ભેટીને રડી પડ્યા કોંગ્રેસ નેતા, સર્જાયા ભાવુક દ્રશ્યો